Fáðu netið beint í punginn strax í dag.

Pungurinn kemur þér í samband hvar og hvenær sem þú vilt.

Jebb, þetta er auglýsingin frá fyrirtækinu sem kúrir á hægri akrein síðunnar minnar, og pirrar mig nett meira og meira.

 

 

 

Spái jafnvel í að fá mér trukk svo ég sé ekki alveg svona punglaus í mótmælunum miklu sem ríða yfir landann um þessar mundir.

 

 

Any way, veturinn er að klárast því miður og regntíminn að ganga í garð.

*Úps gleymdi. Gelðilegt sumar esskurnar ef ég "sé" ykkur ekki meira í vetur.

Fiðrildið sem eyðilagði húsið mitt..............

Þessi stóri strákur sem fæddist í Vestmannaeyjum ................

 

 

 

 

 

á sumardaginn fyrsta og gerði pabba sinn hrikalega stoltan þann daginn, eins og alla aðra daga síðan, varð 25 ára í gær.

 

 

 

  

 

 

 

 

Þarna er hann Ragnar Þór í sinni uppáhalds múnderingu 24 ára

 

Til hamingju flotti strákur.

 

Hef fengið ómældar kvartanir...........

yfir því að vera svona latur að blogga. Ok, en ef ég mæli þær þá eru þær bara ein. Svo hér kemur ein neyðarfærsla um ferðalag.

Ákveðið var kl: 10:00 á föstudagsmorgni að fara í Landmannalaugar kl: 12:00 á hádegi sama dag. Planið var að gista eina nótt og halda heim á laugardeginum. Nokkrum samlokum og Sólardjúsi hent í kassa, ökutækið fyllt af gullolíu 24.500 kr. total, og rokið af stað. Ekki skal orðlengja það nánar en hrepptum einstakt blíðviðri, logn og steikjandi sólarbræðslu. Engar festur, bara sprautað um fjöll og dali, og nóg af snjónum blessuðum. Vorum með par (túrhesta) frá Lúxemborg með, sem áttu ekki orð yfir fegurð Íslensku fjallanna, og töfðu okkur ótæpilega með sífelldu myndtöku stoppi. Hann (Lúxkallinn) er einhver svaka ljósmyndari og myndar fyrir ferðaþjónustur út í heimi, en hún (hinn helmingurinn af parinu) var með hlandið í buxunum yfir kallinum sínum, þegar hann gægðist fram af snjóhengjum, eða lagðist nánast undir bílinn hjá manni til að ná sem bestum myndum. Þau skildu hvorki upp né niður í því hvernig þessir bílar gátu ekið ofan á dúnmjúkum snjónum án þess að sökkva. En þegar við höfðum hleypt mest öllu lofti úr dekkjum og sprautað af stað, áttuðu þau sig á undrinu, bílarnir flutu ofan á snjónum.

 

 

 

 

Sko, veðrið var massað í rugl.

 

 

 

 

 

 

Lúxarinn að mynda vaðið við Tungná og frúin að passa hann.

 

 

 

 

 

 

Við Ljótapoll.

 

 

 

 

 

Þessi var á leiðinni á kamarinn um kvöldið og ákvað að leggja sig upp við hann, en eins og allir vita eru Patrolar hin mestu letidýr.

 

 

 

 

 

 

Hann var svolítið krumpaður greyið eftir ferðina á kamarinn.

 

Annars bara frábær ferð með skemmtilegu fólki, íslensku sem erlendu.

Sko, vörubílarnir þjóta framhjá á ógnarhraða.................

bílstjórarnir með flugmannagleraugun, undantekningalaust með aðra á stýrinu og hina á símanum. Krakkarnir spýtast yfir götuna og rétt ná gangstéttinni hinu megin áður en ferlíkin þruma framhjá í moldarmekki. Sjúkkitt þessi krakki slapp. Farinn áður en ég sé meira.

 

--------------------------------------------

Ég tek eftir konu á sem gengur hratt eftir gangstéttinni og heldur á c.a 3ja ára stelpu í fanginu. Stelpan berst um. Ég hægi ferðina, stoppa á rauðu ljósi og horfi á þær. Konan hristir stelpuna til sem við það missir rauðu húfuna sína af höfðinu. Konan setur stelpuna niður á gangstéttina hjá húfunni og strunsar áfram, nokkur skref og beygir inn að húsi og hverfur inn. Ég skrúfa niður bílrúðuna og heyri stelpuna gráta, standandi eina hjá húfunni sinni sem hún hefur ekki tekið upp.

Ég doka við hinu megin við götuna og horfi á stelpuna. Hún er stjörf og rótast ekki.

Blóðið fossar í æðum mér. Á ég að gera eitthvað?

Nee, bíddu rólegur.

Konan kemur út og gengur hratt að bíl við gangstéttina án þess að líta á stelpuna sem er í nokkra metra fjarlægð. Rótast eitthvað í bílnum. Stelpan tekur húfuna sína upp af gangstéttinni og gengur hægt að bílnum. Hún grætur enn.

Konan þrífur hana harkalega upp og skellir henni í bílstólinn. Hurðum er skellt og jeppinn þýtur af stað.

Sumir dagar eru öðruvísi dagar.....................

 

Ný vinnuvika hafin.............

og þar með vinnuhelgi afstaðin. Skelfilega gott að byrja venjulega viku aftur. Mánudagar eru að verða mitt uppáhald vegna þessa.

Svo sem ekkert vígalegt í fréttum, nema að litla dúllan mín hefur verið meira og minna lasin í viku, með upp og niður hitaköst og líklega eitthvað í eyrunum. Hún var hjá pabba sínum á föstudag og fram á miðjan laugardag:

 

 

 

Pabbi nú líður mér betur. (ef hún fékk að horfa á Ávaxtakörfuna)

Ég er ekki lasin.

Mér líður illa.

Pabbi koddu og hugsaðu um mig.

Hef verið hryllilega latur að blogga og að kommenta hjá bloggvinum mínum og bið forláts á því, en lengi skal manninn bæta.

Síjúol...........

Í sandölum og ermalausum bol................

Búinn að gefast upp á vetrinum. Maður kemst hvort sem er ekki spönn frá rassgati, þannig að snjórinn má víkja fyrir einhverju öðru. Ekkert varð úr jeppaferð um síðustu helgi vegna drykkjuskapar meðlima og anna við að vinna einhverja fjandans sönglagakeppni á Grand Rokk. Jebb, það var nebblega Bjarni sem rúllaði þessu upp á Grandinu, með sandpappír, þvottabretti og vasaljós að vopni. Snilli kallinn sá. En hefði ég fengið að ráða þá hefði frekar verið valin fjallaferð.

Best að fara að gretta sig framan í gula fíflið.

Á maður kannski að vera í hvítum sokkum í sandölunum?

 

Læt mig stundum hafa það að vera klipinn í rassinn................

en það var einmitt gert við kassann í Einarsbúð, nú í Akranes síðdegis. Að þessu sinni var það skiljanlegt þar sem ég stóð á kjaftatörn við eitt fjallatröllið í hópnum okkar og ræddum við morgundaginn, hversu fagur og fríður hann yrði til fjallaskrepps. Nautahakkið kraumaði á sjóðheitum afgreiðslukassanum í steikjandi síðdegissólinni og lyktin var dásamleg.

Ok, ég bað kaupmannskonuna afsökunar á blaðrinu og sá útundan mér stingandi augnaráð þeirra sem á eftir mér komu í röðinni, en klíparinn slapp.

Jebb, fjöllin á morgun esskurnar.................

Átti ekki mynd af mér, þessi verður að duga...............

Þú smellir bara á stjórnborð og síðan velur þú ný færsla............

þar með ertu komin af stað og getur byrjað að bulla, meina blogga.

Það er einmitt það sem ég er að gera núna, og ég veit að það fer í þær fínustu hjá sumum. En votta hekk.

Samband mitt og rafvélarinnar sem kallast tölva, hefur ekki verið upp á það besta undanfarið. Eiginlega svo slæmt að liggur við tímabundnum skilnaði á borði. Ég veit að ég á meginsökina, en stundum finnst mér eins og hún sé með óraunhæfar væntingar gagnvart mér, þegar ég kveiki á henni, hún heimti eitthvað eða krefjist.

Ætla bara að sjá til eitthvað fram á morgundaginn, hvort þetta lagast ekki bara að sjálfu sér, áður en farið verður til sambandsráðgjafa.

Jebb hún er nú líka svo miklu yngri en jeg............

Var að huxa.

Manstu eftir:

Óskalögum sjómanna?

Óskalögum sjúklinga?

Lögum unga fólksins?

Neibb ekki ég..............

Vor í lofti? - Myndablogg.......

Það var einhliða ákvörðun hennar að nú væri kominn tími til að færa sumarhúsgögn út á svalir.

Eftir mikið japl jamm og fuður tókst að fá hana í kápuna utan yfir náttfötin

Pabbinn: "Má ég taka mynd af þér"?

Hún: "Jebb, en vertu rólegur pabbi minn"

 

 

 

 

 

 

 

 

Eftir fyrstu mynd stóð hún upp og færði sig nær myndavélinni, stillti sér upp og sagði með skipunartón:

 "Líka svona!"