Jú það er rétt - Ég ætti að vera staddur á Vatnajökli núna.......

en eftir langar og strangar vangaveltur um kostnað ferðarinnar, samanburð á helgarferð til Köben, Manchester, París, London, eða tunglferð þá endaði það með því að ég strækaði á ferðina og sit heima í uppreisn yfir olíuverði án þess að nokkur veiti því minnstu athygli.

 

 

Kostnaður við jökulferð.

Olía 40.000 kr

Samlokur 1.400 kr

Vatn 0 kr.

Samtals: ISK 41.400.......

Ferð til Köben:

Flug gisting og morgunmatur 70.000 kr.

Carlsberg 1.200 kr

Aðdáun Danskra yngismeyja 0 kr.

Samtals: IKR 71.200

Sko, ekki segja mér að þið séuð sofandi ennþá svefnpurkurnar ykkar. Hér varð farið á fætur kl:07:00 sharp á tíma (GMT) Casablanca, Monrovia, Reykjavik, og beðið eftir Gríslingunum í sjónvarpi allra landsmanna, og so Ávaxtakörfuna og so Hafmeyjuna og so Dóru, og so, og so, og " pabbi þú mátt alveg horfa á með mér "

 

Læt mig stundum hafa það að vera klipinn í rassinn................

en það var einmitt gert við kassann í Einarsbúð, nú í Akranes síðdegis. Að þessu sinni var það skiljanlegt þar sem ég stóð á kjaftatörn við eitt fjallatröllið í hópnum okkar og ræddum við morgundaginn, hversu fagur og fríður hann yrði til fjallaskrepps. Nautahakkið kraumaði á sjóðheitum afgreiðslukassanum í steikjandi síðdegissólinni og lyktin var dásamleg.

Ok, ég bað kaupmannskonuna afsökunar á blaðrinu og sá útundan mér stingandi augnaráð þeirra sem á eftir mér komu í röðinni, en klíparinn slapp.

Jebb, fjöllin á morgun esskurnar.................

Átti ekki mynd af mér, þessi verður að duga...............

Svona, svona ekki þennan æsing út af Hannesi Hólmsteini.....................

þó hann sé pínu ríkur fyrir, þá vitið þið að hinir ríku þurfa að verða ríkari o.s.frv.

Gefum smáfuglunum.........

Svo varð það bara stjörnuspáin mín:

"Þú átt það sem þú átt. Jafnvel þótt þú hafir lánað það, týnt því eða gefið það, kemur það aftur til þín. Það er notaleg tilfinning að skilja þetta."

Það held ég.........

Viðurkenni hér með.................

að ég hafði óeðlileg áhrif á gengið fyrir páskana.

Keypti nebblega slatta af borðum, stólum hillum og öðrum óþarfa sem nota bene, teljast stundum til nauðþurfta fyrir fólk sem býr inni í húsum og þarf að hafa gögn í kring um sig.

 

Veit ekki hvaðan Davíð hefur fengið þessar vísbendingar, en huxa málið.

Þessi færsla er alfarið á mína ábyrgð, og nei mér leiðist ekki........

Einhverjir kunna að hafa haft óeðlileg áhrif á gengið

Hafandi ferðast á mínum Stóra-Rauð.............

til borgar væringa, ójöfnuðar og ótta, um Hvalfjarðargöngin og Kjalarnesið í kviðum andskotans, er ég loks komin heim heill á húfi (oj ljótt orð,,húfi).

Ætlunin var að fylla bílinn af allskonar smávarningi og húsgögnum úr verslunum Ikea, Rúmfatalagers og Tekk´s Vöruhúss, mér og dóttur til yndisauka.

Eftir mikið ráp um allar þessar verslanir var eins og eitthvað hvíslaði að mér að nú væri komið nóg í bili, þar sem umhverfið var farið að snúast í hringi fyrir augum mínum. Hef það fyrir víst að þetta sé sjúkdómur sem kallast verslunarkjarnafælni.

Kaffi og vínarbrauð í IKEA Magasín og þar með farinn.

Þegar talið var upp úr ferðakistlunum komu í ljós, eitt loftljós með fiðrildum, upphækkunarkollur fyrir dóttur við vaskinn og sex manna kaffibollasett.

Ok allir sex í kaffi........

Er hægt að blogga alla leið frá Danmörku og er ekki bloggið lengi á leiðinni til ykkar.......

 

það er svo helv. langt mundi maður missa af einhverju?

Haldið þið að ég sé að grínast? O neeee.

Er að spökulera í tilboði sem ég fékk frá Dönsku bakaríi, alveg hreint í miðbænum ekki langt frá brautarstöðinni. Lítið bakarí og konditorí, fínn vinnutími, ódýrt húsnæði, fín laun, ódýr Carlsberg.

Eða er orðið stórhættulegt að vera þarna vegna óeirða?

Æi er búinn að fá nóg af Óla Eff og kem bara kannski aftur ef Villi verður borgarstjóri.

Hræðslutilfinning grípur mig þegar ég hugsa um að yfirgefa landið mitt og ástirnar í lífi mínu.

Hux, hux.............

 

Þessi færsla flokkast undir væmninsblogg, so what..........