Edda Rós Karlsdóttir leiðbeinir Íslendingum með frystingu lána ................

Möguleg tilvitnun í hugsun hennar:"Sko þið þarna sem ætlið að láta frysta lán, munið að leggja fyrir peninga sem samsvarar hverri mánaðarlegri afborgun af láninu."

"Þið eruð sko ekkert að græða á þessu asnarnir ykkar, munið það. Lánið hækkar bara og þið verðið að eiga fyrir frystitímanum." Mögulegri tilvitnun líkur.

 

Jöss man. Til hvers að smella sér í frystinguna ef maður á fyrir helvítis afborguninni?

Mig vantar útskýringu á þessari Seðlagreiningu.

Ég vann einu sinni við Síldarfrystingu og fékk vel borgað fyrir það....................

Að lifa lífinu afturábak..........

Í næsta lífi vil ég lifa lífinu afturábak.

Maður byrjar dauður, svo þá er það afstaðið.

Svo vaknar maður á elliheimili og manni líður betur með hverjum deginum. Er síðan sparkað þaðan út þar sem maður er orðin of heilbrigður, fer og nær í ellilífeyrinn og svo þegar maður byrjar að vinna þá fær maður gullúr og partý fyrsta daginn.

Svo vinnur maður í 40 ár eða þangað til maður er nógu ungur til að njóta þess að hætta.

Maður stundar næturlífið, drekkur áfengi og er í raun óútreiknanlegur á allan hátt og þá er maður orðin klár fyrir framhaldsskóla.

Fer svo í grunnskóla, breytist í ungling og leikur sér. Maður hefur engar ábyrgðir og breytist í barn þangað til maður fæðist.

Svo endar maður síðustu níu mánuðina fljótandi um í umhverfi sem einna helst minnir á SPA.

Með þægilegu hitastigi og herbergisþjónustu tengda beint við mann og plássið verður meira og meira með hverjum deginum sem líður og svo ,,,vúúúúúhaaaa þegar maður endar lífið með fullnægingu.

Þarf ég að segja meira?

Þökk þeim sem hlýddu, góðar stundir.........................

Ert þú einmana............

Ég hef verið að stússast svolítið undanfarna mánuði, í framhaldi og samhliða nokkrum tölvupóstum sem mér hafa verið sendir í sumar og nú í haust.

Þess vegna setti ég hérna á síðuna mína skoðanakönnun, sem mér þætti mikið vænt um að þú kæri lesandi tækir þátt í.

 

Segi svo kannski meira frá þessu seinna.

 

Kveðja úr sveitinni...................

Tannlækningar - Olíufélag og námshross................

Í morgun gerðist ég svo djarfur að fara til tannlæknis (svona eins og ríku mennirnir gera mánaðarlega) og láta gera við aðra tönnina í mér. Það var vont og kostaði fimm stafa tölu.

Skrái þetta hérna bara til minnis fyrir mig, ef ég skyldi lesa þetta eftir fimm ár þegar hin tönnin bilar.

Þarf líklega að fara í hausþrýstingsprófun, vegna þess að námsefnið festist ekki þarna inni. Það hlýtur að leka einhverstaðar án þess að ég taki eftir því.

Ef ég færi í bað þá ættu að sjást loftbólur, en ég nota bara sturtu.

Annars vil ég eitt ríkisrekið olíufélag........

 

Jiiiii minn eini hvað bloggið getur truflað mann.............

við skyldustörfin og annað.

Í gærkvöldi settist ég inn í kompu eins langt frá tölvunni og hægt var, með hrúgu af námsbókum hjá hinni tölvunni.

Markmiðið var skýrt og viljinn einbeittur, að skila verkefni í félagsfræði.

Gjóaði augunum annað slagið fram í stofu á kvikindið sem sýndi engi merki hreyfingar eða skilaboða, bloggið gapti á móti mér. 

Þoli ekki skjáhvíla.

Eftir klukkutíma hætti ég og stóð upp, þá búinn að mála eitt acryl-málverk. Mér heyrðist Snorra Edda hósta pínu, en það gat svo sem hafa verið sæta nágrannakonan mín.

Stofutölvuferlíkið hafði sigrað þessa lotu.

Hvað ungur nemur gamall lemur.

Í annarri lotu skal hún sigruð á Yppon....

Lagst undir hnífinn – Minnisblað - Ekki fyrir viðkvæma.........

Ég mætti á húðsjúkdómagreiningarstöðina á slaginu tíu í morgun og var vísað í sæti á mjög löngum gangi með mörgum hurðum.

Maður klæddur í grænan jakka kom út um einar dyrnar raulandi lag (Abba held ég) og gekk hröðum, háværum klossaskrefum framhjá án þessa að sýna mér nokkur merki samúðar.

 

Ég þreif blað af borðinu og sökkti mér ofan í myndir af frægum bringuhárum og berum brjóstum, held að blaðið heiti Séð og Heyrt árgerð 1970 og eitthvað.

 

Heyrði nafnið mitt hvíslað, leit upp og sá einhverja þúst innst í ganginum. Hvíslið hlaut að koma þaðan. Ég stóð upp og gekk að þústinni, sem reyndist vera mjög vinaleg  kona sem bauð mér inn í herbergi þar sem ég mátti gjöra svo vel að setjast.

Hún bauð mér að segja sér hvað amaði að mér, eins og það væri nú ekki augljóst.

 

“Tveir kostir í stöðunni”, sagði hún eftir að hafa skoðað blettinn minn. Að koma seinna og láta taka sýni eða gera það núna. En þá þarf að skera í ennið, sauma og setja plástur. Ég hugsaði mig um í smá stund áður en ég ákvað að leggjast bara strax undir hnífinn og taka afleiðingunum.

 

Á skurðarborðinu breiddi hún grænan dúk með gati yfir andlit mitt og þá fyrst fann ég hve máttvana maður gat verið gagnvart sjúkdómum. Ég velti fyrir mér hve langan tíma uppskurðurinn tæki og hvort ég kæmist heim í dag, þegar hún bauð mér að standa upp og gjöra svo vel.

 

Ég á að koma aftur eftir viku því hún vill taka saumana sjálf svo enginn geti kennt henni um ef það hefur myndast ör, og þá fæ ég niðurstöðu úr rannsóknum.

Ég spurði hana hvort ég þyrfti að hafa áhyggjur, og hún sagði mér að vera ekki að velta mér uppúr því, þannig að þá er ég líklega ekki með Holdsveiki eins og sumir hafa haldið fram.

 

Komst í heilu lagi heim og í Einarsbúð, en þar fyrir utan var rauður sportbíll og ungur maður lá á flautunni. Þegar ég kom inn í búðina mætti ég bloggvinkonu minni sem heilsaði kurteislega úr hæfilegri fjarlægð, um leið og hún horfði á ennið á mér.

 

En konan sú sýndi mér engin merki samúðar þó hún vissi vel að ég væri ný komin af skurðarborðinu.

 

Reyni að bera mig mannalega og taka einn dag í einu.............

Ég þarf eiginlega að segja ykkur frá því................

að það er farið að rigna hérna í sveitinni.

Afsakið framhleypnina, en stóðst bara ekki mátið. Hef nefnilega fengið nóg af þessum gula hring þarna uppi á himninum, jafn mikið nóg eins og af stólabröltinu í borg óttans.

Gæti verið að það rigndi upp í nefið á einhverjum?

 

Góðar stundir........

Starfsstúlka óskast - Tímabundin ráðning.

Þarf að hafa óbilandi áhuga á draumráðningum og vera vön kristalkúlum. Hér er um að ræða frábært tækifæri fyrir viðkomandi aðila á að öðlast frægð og frama í greininni.

Þyrlupróf æskilegt en ekki nauðsyn.

Má hafa með sér börn.

Laun samkv. kjarasamningi Bakarasveinafélags Íslands.

 

 

Starfsstaður: Athugasemdarkerfi við þessa færslu.

Starfslýsing: Ráðning á eftirfarandi draumi.

"Mann nokkurn dreymir sig vera boðinn í kaffi til vinkonu sinnar úr grárri forneskju. Hún býður honum upp á kaffi og kex úr hvítri krukku með bláum upphleyptum stjörnum. Konan er einstaklega mikið ófrísk."

Ath: Hér er ekki um fastráðningu að ræða og öllum umsóknum mun svarað fullum hálsi.....

Svefndrukkinn söngla ég mig inn í daginn..........

eftir næturbrölt og sjónvarpsgláp fram eftir nóttu. Ekki minn stíll að vaka til þrjú á næturnar, en gat ekki rifið mig frá Bruce Willis bjarga fólki.

Það er indælt að Hvítasunnan er bara einu sinni á ári. Búinn að hvítskúra allt, bæði heima og á vinnustað, éta, hanga, sofa, vaka, færa mig milli stóla, aðstoða fólk í Syper Space, taka myndir, hugsa, hugsa, hugsa, hugsa afturábak, hugsa fram á við, leiðast, dreyma, sakna, gráta, brosa, elska............

Horfði meira að segja á Gospel í sjóvarpinu í gærkvöldi og fékk tár í eitt augað.

Ætli sé til eitthvað við´essu...........

 

 

Ekki nein ný vísindi, sosum................

að fleiri sýklar séu á lyklaborðum heldur en klóset z um.

Fólk reynir nú að hafa seturnar þokkalega hreinar en gleymir svo að þvo sér um hendur eftir klóstetferðir, borar í nebbann og dembir sér svo á bloggið.

Nee ekki ég, kjánarnir ykkar.

 

E haggi?

Fleiri sýklar á lyklaborði en klósettsetu