Ég missti vinkonu áðan..................

alla vega þykir mér það líklegt að hún tali ekki við mig aftur.

Ég sá hana í búðinni og fannst vömbin á henni frekar mikil.

Hún var með vagn og krakka í honum sem mér fannst líklegur til að vera nýfæddur, svo mér fannst öruggara að spyrja:

"Ertu ekki búin að fæða"?

"Jú, sérðu það ekki"?

 

 

 

 

Það hvessir á Skaganum á eftir........................

Nýtt undir sólinni?

Er það eitthvað nýtt að menn þurfi ekki að standa undir því sem þeir eru ekki ábyrgir fyrir?

Jísöss, reynum að taka þessu rólega.

Maðurinn greiðir það sem honum ber samkvæmt lögum og restin ábyrgðalausa (sem btw hefur í raun aldrei verið til) hverfur bak við ský, eins og sólin gerir stundum þegar menn sjá ekki bjálkann fyrir flísinni.

Hafið svo skítsæmilegan dag.............................

Gamli Landsbankinn afskrifar skuldir Magnúsar

Án tengingar við frétt - Sólarlag - Bíll og brussa.

Rauk út í bíl í von um að finna sjó hérna í Kópavogi.

Fann hann og Sel sem glápti á mig eins og hann hafi aldrei séð mig áður.

En þá var sólin líka orðin ljót svo ég skaut Stóra-Rauð sem forgrunn.

 

 

 

 

 

 

 

Þessi var byrjuð á næturvaktinni fyrir utan svefnherbergisgluggann minn, og varð alveg band brjáluð yfir trufluninni.

Ég held að hún sjúgi úr mér blóð á nóttunni, alla vega finnst mér ég vera svo léttur og blóðferskur á morgnanna og hún fitnar eins og púki á fjósbita, en er alltaf horfin þegar ég gái við vöknun.

 

Það var nú ekki fleira esskurnar, nema ég hef áhyggjur af Jenný og Dúu......................

Læsti bloggi sem ég átti ekkert með að gera............

 

 

Vara bara að fikta, og auðvitað endaði það með ó sköpum.

 

Afsakið landar og löndur góðir/ar.

Afgreiðslustúlkan í vegasjoppunni var héluð í framan................

og varirnar á henni voru herptar eins og opið á lokuðum handavinnupoka þegar hún fnæsti framan í mig: "Eitthvað fleira"?

Ég þurfti sem sagt að fara fyrir fjörð í gær til að komast heim á kristilegum tíma, og ákvað að fá mér eina með öllu á leiðinni. Ég bað fyrir stúlkunni og setti sjálfan mig í hux gírinn þegar ég var lagður af stað aftur.

Ég hugsaði um hve við værum heppin að hafa Hvalfjarðargöngin og hve mikil breyting hafði orðið frá því að fara daglega fyrir fjörð í öllum veðrum. Nú nær maður að skjótast þetta á tuttugu mínútum, ef maður brennir í 120 á milli myndavéla í göngunum.

Þetta er skemmtilegur spölur að aka á björtu sumarkvöldi Hvalfjörðurinn, og ég fór auðvitað að hugsa um Spöl og þar af leiðandi Gísla bæjó (fyrrverandi) og hvernig við tengdumst hér á árum áður. Dóttir hans er nebblega ein af stelpunum okkar sem eru nú um þessar mundir meira umfjöllunarefni í miðlum heldur en IceSave, og var fastagestur á mínu heimili í denn.

Eitthvað finnst mér öðruvísi að segja "stelpurnar okkar" heldur en "strákarnir okkar"

Gísli hefur sterka og skýra rödd sem hljómaði stundum af krafti í forstofunni minni þegar hann spurði eftir Hallberu "litlu". Hann mætti alveg nota hana (röddina) meira til að þrýsta á tvöföldun gangnanna.

Nú þá fór ég auðvitað að hugsa um sement,  það þarf jú sement til að byggja göng.

Við eigum Sementsverksmiðju sem staðsett er í miðbæ Akraneskaupstaðar og framleiðir nokkra sementspoka á ári, auk þess að spúa yfir okkur steypuryki sem fer illa með öndunarfæri barna og lakk á bílum.

Svo skemmtilega vildi til að í morgun hitti ég starfsmann Sementsverksmiðjunar og við spjölluðum saman um hvað yrði um þetta ferlíki þegar því yrði lokað.

Hún sagði mér að Ríkið verslaði ekki við þá, heldur flytti allt sitt sement inn frá Danmörku og var frekar fúl yfir því

"Af hverju líkar þér það ekki"? spurði ég.

"Nú Ríkið á að stuðla að atvinnu í landinu" svaraði hún.

" En, spurði ég, af hverju verslið þið þá ekki við mig með þvottinn ykkar frekar en álrisa inn í Hvalfirði sem er í harðri samkeppni við smábónda eins og mig"?

Svarið fékk ég ekki.

Nú svo er mér boðið í afmæli í dag og það af þjóðþekktri manneskju, en þori varla að mæta því ég veit að þar verða svo margir þjóðþekktir einstaklingar að ég verð skotinn í kaf með ágengum spurningum um hvað mér finnist um IceSave o.fl. því mitt álit skiptir máli er það ekki?

Ég þyrfti að komast í sumarfrí og helst á listamannasetur í útlöndum, þar sem ég get unnið úr 9849 ljósmyndum sem ég hef tekið á árinu og ekki komið í verk að fullvinna.

Ég er jú listamaður.

Réttið upp hendi ef þið vitið af svoleiðis stað.

Annars er ég alltaf að því kominn að henda þessu bloggi mínu, en hef mig ekki í það.

Góða nótt, sofið rótt og vaknið hress og kát í haust...................................

Búið að opna Hvalfjarðargöngin

Allt á suðupunkti.............

og við skulum bara blása til kosninga.

Davíð inn og Jógubatteríið út.

Ég man aldrei hvað hann heitir kallinn þarna sem er í VG, þús´t þessi með litla rauða hárið, sem er að vísu farið alveg held ég, eða orðið silfrað á litinn.

Maðurinn er gjörsamlega að sligast undan þessu álagi og verður hoknari með hverjum deginum.

Össur eða Ögmundur, neee ekki fyrir minn smekk.

Ég held að það sé bara einn þingmaður sem stendur á sínu, en að vísu er hann bara einn í flokki og ætti að halda sig við fyrri störf.

 

Það er búið að gera við vælubílinn á stöð tvö.................. 

 

Ríkisstjórn á suðupunkti

Það er af sem áður var, fuglasöngur lækjarkjarr og friður...........

horfið nú er.

Góðan dag, hefur þú litið út um gluggann nýlega?

Sérðu ekki að mýrarpytturinn er að þorna upp?

Finnst þér ekki rigningin góð?

Andar þú ekki lengur að þér angan bílanna?

Veltir þú vöngum,  og þá hvaða?

Berðu stundum Kennsl á sjálfa(n) þig?

Langar þig ekki stundum til að velta við grjóti, og sjá hvað leynist undir því?

 

 

 

 

 

Finnst þér eins og sumir gangi í svefni?

Undrast þú ekki stundum á því hve lítið er rætt um skordýr í útvarpinu?

 

 

 

 

 

 

 

 

 

 

 

 

Langar þig ekki til þess að gata kallað þessi skrif mín ljóð?

 

 

Finnst þér nokkur ástæða til þess að ég leiti aðstoðar manna í hvítum sloppum?.......................

Lespíu og hommapartý í Háskólabíói - Aðilar og miðlar.............

Mér sýndist sýningin takast afbragðs vel, en ég ætla ekkert að segja ykkur frá því núna, og ég mætti auðvitað of seint, svo ég missti af Bubba, en Páll Óskar klikkaði ekki off kors.

Ég gekk um fyrir framan sviðið og myndaði í erg og gríð.

Það var togað í lafið á mér af landsþekktum "aðila" og ég spurður fyrir hvaða "miðli" ég starfaði. Sá hinn sami, sem sat við hliðaina á hinum aðilanum sem ég missti pínu álit á þarna, sagði mér í óspurðum fréttum að ég ætti nú ekki að vera mikið þarna fyrir framan sviðið, því þá drægist öll athygli samkomugesta að mér og frá skemmtiatriðunum.

Hinn "aðilinn" horfði á mig undur fögrum augum,

augum sem aðeins prinsessum og borgarstýrum í fullu starfi er leyfilegt að nota,

augum sem sögðu: Hlýddu svo fíbblið þitt.

Neibb, ég gegndi ekki rassgat.

Hata það, þegar aðilar spyrja mig frá hvaða miðli ég sé.

Þó ég hafi nokkru sinnum, fyrir mörgum árum farið til miðils þá kemur fólki það bara ekkert við frá hverjum þeirra ég kom síðast. Enda man ég það ekki.

Ok, ok ég skal taka pillu.

Ef þið skiljið ekki þessa færslu þá eruð þið á villigöltum, eða á röngum lyfjum........................

Það borgar sig yfirleitt ............................

   

að hugsa sinn gang,

 

 

 

 

 

 

 

 

 

áður en tekin er ákvörðun.

 

 

Öss öss öss, djúpt er´ða...................

Skila bara auðu í dag, en .........................

.

.

.

 

reyndi samt nokkur netföng sem mér kom fyrst í hug eins og bodull.is, aftaka.is, domari.is, serstakurbodull.is en Gúggla ruglaði bara tóma steypu.

Að lokum datt mér í hug að Gúggla eitthvað í sambandi við tryggð,  orðið sem við leitum að allt lífið í samferðamönnum vorum, en sitjum svo uppi með, sum hver skilningsvana á grafarbakkanum.

Þar loksins fann Gúggla hann, rauða takkann.

Getur verið að Tryggur.is hjálpi einhverjum í því að taka endanlega ákvörðun, með því að taka þennan hnapp í notkun.

Neeee er bara að velta þessu fyrir mér núna, það er svo lítið að gera.

En sjáið hvað þessi segir.

Megið þið eiga góðan ESB-ICESAVE dag esskurnar mínar.............