Færsluflokkur: Ljóð
10.8.2009 | 12:43
Það er af sem áður var, fuglasöngur lækjarkjarr og friður...........
Góðan dag, hefur þú litið út um gluggann nýlega?
Sérðu ekki að mýrarpytturinn er að þorna upp?
Finnst þér ekki rigningin góð?
Andar þú ekki lengur að þér angan bílanna?
Veltir þú vöngum, og þá hvaða?
Berðu stundum Kennsl á sjálfa(n) þig?
Langar þig ekki stundum til að velta við grjóti, og sjá hvað leynist undir því?
Finnst þér eins og sumir gangi í svefni?
Undrast þú ekki stundum á því hve lítið er rætt um skordýr í útvarpinu?
Langar þig ekki til þess að gata kallað þessi skrif mín ljóð?
Finnst þér nokkur ástæða til þess að ég leiti aðstoðar manna í hvítum sloppum?.......................
Ljóð | Slóð | Facebook | Athugasemdir (3)
21.1.2009 | 22:03
Óx mér þor svo fast að dyrum barði..........
út kom enginn. Kveikti eld kokkaði þar súpu úr klósettpappír og jólatré.
Lamdi gamlan útilegupott með sleif.
Sleifin brotnaði af hræðslu við ógnandi börnin í kring um mig.
Fékk kryddolíu í annað augað, sá með hinu rólegan ofursta stugga við barni í rauðri síðri kápu. Barnið öskraði eins og þeim er eðlilegt, ef þau fá ekki það sem þau vilja. Eldri maður fékk sandkorn í augað og öskraði eins og stunginn grís.
Hrmfp....ne *djók.
Var bara á rúllinu inni í Hvalfirði að taka myndir, þar sem er algjör friður og enginn að ögra manni nema nokkrir álfar, eftir ljósaskiptin.
Love u2 the moon an haf way back, ya all.
Kem stundum hérna við til að kanna hve margir eru að berjast fyrir málstað mínum í Borg hinna níu (nýju optional) elda..............
Ljóð | Slóð | Facebook | Athugasemdir (5)
11.11.2008 | 21:05
Kaldur andvari streymdi inn um gluggann minn........
og lagðist yfir vitin, þar sem ég hafði hreiðrað um mig í sófanum, með sængina. Ég hafði aðeins kveikt á einu ljósi, ljósinu sem lýsti upp Ikea-myndina á veggnum bláum geisla,
sængin blá,
himininn blár,
og saman mynduðu þessi þrjú fyrirbæri bláa lýsingu í stofunni,
í kvöld át ég saltfisk með kartöflum og hömsum.
Nei, í alvöru þá finnst mér stundum, nei oft, að ég þyrfti að vera með USB tengi í hnakkanum til þess að geta hlaðið sjálfvirkt niður á tölvuna öllum þeim fagurbókmenntum sem myndast í hvelinu heila.
Við svo búið má ekki Una, frænka....................
Ljóð | Slóð | Facebook | Athugasemdir (2)
30.6.2008 | 13:17
Er lífið að fjara út ?
EM búið, júní að klára sig og rigningar mánuðurinn tekur við. Einstaka manneskja gengur um götur bæjarins og ef heppnin er með þá opnast dyrnar og bjallan glymur 3svar sinnum á dag. Meira að segja flugurnar eru hálffeimnar við að fljúga inn um dyrnar.
.....fersk angan af hafinu leggur fyrir vitin, og daufur hljómur þriggja strengja gítars, þar sem eiga að vera sex, berst til eyrna. Hann gengur upp moldarstíginn sem liggur úr fjörunni og upp að timburhúsinu. Það er ljós á pallinum fyrir utan, en húsið sjálft er myrkvað. Hljómar gítarsins hverfa en fylgja honum samt........
Afsakið missti mig aðeins í blúsinn.
Eru ekki Ólimpíuleikarnir í handbolta að byrja?
Over and out.........
Ljóð | Breytt s.d. kl. 13:24 | Slóð | Facebook | Athugasemdir (11)
Sænska stultupían er bara brosleg, og ef væri búið að leggja hana lárétta liti hún út eins og stýrið á reiðhjólinu mínu.
See you in Belgrad or Betlehem.............
Ljóð | Slóð | Facebook | Athugasemdir (5)
9.5.2008 | 22:31
Haltu fast í drauma þína - Nostalgíukast hérna megin........
Ljóð | Breytt s.d. kl. 22:34 | Slóð | Facebook | Athugasemdir (4)
16.4.2008 | 21:29
Sko, vörubílarnir þjóta framhjá á ógnarhraða.................
bílstjórarnir með flugmannagleraugun, undantekningalaust með aðra á stýrinu og hina á símanum. Krakkarnir spýtast yfir götuna og rétt ná gangstéttinni hinu megin áður en ferlíkin þruma framhjá í moldarmekki. Sjúkkitt þessi krakki slapp. Farinn áður en ég sé meira.
--------------------------------------------
Ég tek eftir konu á sem gengur hratt eftir gangstéttinni og heldur á c.a 3ja ára stelpu í fanginu. Stelpan berst um. Ég hægi ferðina, stoppa á rauðu ljósi og horfi á þær. Konan hristir stelpuna til sem við það missir rauðu húfuna sína af höfðinu. Konan setur stelpuna niður á gangstéttina hjá húfunni og strunsar áfram, nokkur skref og beygir inn að húsi og hverfur inn. Ég skrúfa niður bílrúðuna og heyri stelpuna gráta, standandi eina hjá húfunni sinni sem hún hefur ekki tekið upp.
Ég doka við hinu megin við götuna og horfi á stelpuna. Hún er stjörf og rótast ekki.
Blóðið fossar í æðum mér. Á ég að gera eitthvað?
Nee, bíddu rólegur.
Konan kemur út og gengur hratt að bíl við gangstéttina án þess að líta á stelpuna sem er í nokkra metra fjarlægð. Rótast eitthvað í bílnum. Stelpan tekur húfuna sína upp af gangstéttinni og gengur hægt að bílnum. Hún grætur enn.
Konan þrífur hana harkalega upp og skellir henni í bílstólinn. Hurðum er skellt og jeppinn þýtur af stað.
Sumir dagar eru öðruvísi dagar.....................
Ljóð | Breytt s.d. kl. 21:33 | Slóð | Facebook | Athugasemdir (11)
6.1.2008 | 19:42
Til áminningar - Lítil jólasaga...........................
Síðasta dag fyrir jól flýtti ég mér í stórmarkaðinn til að kaupa
gjafirnar sem ég komst ekki yfir að kaupa fyrr. Þegar ég
sá allt fólkið þar, byrjaði ég að kvarta í hljóði.
Þetta á eftir að taka heila eilífð og ég á enn eftir að fara á svo marga staði
Jólin eru alltaf að verða meira og meira pirrandi með hverju árinu. Ég
vildi að ég gæti bara lagst niður og farið að sofa og vaknað svo eftir
jólin. Allavega, kom ég mér í leikfangadeildina og þar fór ég að
skoða verðin, hugsandi hvort að börn leiki sér eitthvað með svona
dýr leikföng. Eftir smá tíma af leikfangaskoði þá tók ég eftir
litlum strák um 5 ára, sem hélt á dúkku upp við brjóstið sitt.
Hann strauk hárið á dúkkunni og virtist svo sorgmæddur. Svo snéri
litli strákurinn sér að eldri konu sem var við hliðina á honum.
Amma, ertu viss um að ég hafi ekki nógu mikla peninga? Gamla konan
svaraði þú veist að þú átt ekki nóg til að kaupa dúkkuna elskan mín
Svo bað hún hann um að bíða í 5 mínútur eftir sér á meðan hún
skoðaði sig um. Hún fór fljótlega. Litli strákurinn hélt
ennþá á dúkkunni í hendinni. Ég labbaði til hans og spurði hann
hverjum hann ætlaði að gefa dúkkuna. Þetta er dúkkan sem systir mín
elskaði mest og langaði svo mikið í fyrir jólin. Hún var svo viss
um að jólasveinninn myndi gefa sér hana. Ég sagði honum að kannski
eigi jólasveinninn eftir að koma með dúkkuna til hennar, og að hann
þyrfti ekki að hafa áhyggjur. En hann sagði við mig sorgmæddur Nei
jólasveinninn getur ekki gefið henni dúkkuna þar sem hún en núna. Ég
verð að gefa mömmu dúkkuna svo að hún geti gefið henni hana þegar
hún fer þangað. Augun hans voru svo sorgmædd meðan hann sagði þetta.
Systir mín er farin til þess að vera með Guði. Pabbi segir að mamma
sé líka að fara til Guðs mjög fljótlega, og ég hélt að hún gæti
farið með dúkkuna fyrir mig og gefið systur minni hana.
Hjartað mitt stoppaði næstum því. Litli strákurinn leit upp til mín og
sagði. Ég sagði pabba að segja mömmu að fara ekki alveg strax.
Ég bað hann um að bíða þangað til að ég kæmi heim úr búðinni. Svo
sýndi hann mér fallega mynd af honum þar sem hann var hlægjandi. Ég
vil líka að mamma taki þessa mynd með sér svo að hún gleymi mér
aldrei. Ég elska mömmu mína og ég vildi óska að hún þyrfti ekki
að fara, en pabbi segir að hún verði að fara til að vera hjá litlu
systur minni. Svo leit hann aftur á dúkkuna með sorgmæddum augum,
mjög hljóðlátur. Ég teygði mig hljóðlega í veskið mitt og tók smá
pening upp og sagði við strákinn. En ef við athugum aftur í vasann til
að tékka hvort að þú eigir nógan pening? Allt í lagi sagði
strákurinn ég vona að ég eigi nóg Ég bætti smá af mínum peningum
við án þess að hann tæki eftir því og við byrjuðum að telja. Það var
nógur peningur fyrir dúkkunni, og meira að segja smá afgangur.
Litli strákurinn sagði Takk Guð fyrir að gefa mér nógan
pening. Svo leit hann á mig og sagði. Í gær áður en ég fór að sofa
þá bað ég Guð um að vera viss um að ég hafi nógan pening til þess að
geta keypt dúkkuna handa systur minni. Hann heyrði til mín.
Mig langaði líka að eiga nógan pening til að kaupa hvíta rós handa
mömmu, en ég þorði ekki að biðja Guð um of mikið, en hann gaf mér
nóg til að kaupa rósina líka. Sko mamma elskar hvíta rós.
Nokkrum mínútum seinna kom gamla konan og sótti strákinn. Ég kláraði
að versla með allt öðru hugarfari ég gat ekki hætt að hugsa um litla strákinn.
Svo mundi ég eftir frétt í blaðinu tveim dögum fyrr.
Maður keyrði drukkinn og lenti á bíl þar sem ung kona og
lítil stelpa voru í. Litla stelpan dó samstundis en mamman var í
dái. Fjölskyldan varð að ákveða hvort það ætti að setja hana í
öndunarvél eða ekki, af því að unga konan myndi ekki vakna úr
dáinu.Var þetta fjölskylda litla stráksins? Tveim dögum eftir að ég hitti litla
strákinn, las ég í blaðinu að unga konan
hafi dáið. Ég gat ekki hamið mig og fór út í blómabúð og keypti búnt
af hvítum rósum og fór upp í líkhús þar sem fólk gat séð konuna og
óskað sér í seinasta skipti áður en hún væri jörðuð. Hún
var þarna í kjól, haldandi á fallegri hvítri rós með myndinni af
litla stráknum og dúkkuna á brjóstinu. Ég fór grátandi og
fannst líf mitt hafa breyst til eilífðar. Ástin sem þessi litli strákur
hafði til mömmu sinnar og systur, er enn þann dag í dag, erfitt að
ímynda sér.
Og í einni svipan tekur drukkinn maður þetta allt frá honum.
Höfundur óþekktur.
Ljóð | Slóð | Facebook | Athugasemdir (9)
11.12.2007 | 21:28
Himininn var bleikur og blár, Kolla mín - Það er kyrlátt kvöld við hafið - Örblogg......................
Eldhúsveggir málaðir vinstrigrænir
Ástarsambönd ekki liðin
Jólasveinninn er of feitur
Ísland er í uppnámi við Upptyppinga
Fer Huldu-Höfði yfir jólin?
Jamm........
Ljóð | Slóð | Facebook | Athugasemdir (1)
20.11.2007 | 00:01
Þar sem Íslendingum finnst skemmtilegast að versla...................
Mjög hávær, óaðlaðandi og hreinlega brussuleg kona kom inn í Hagkaup einn daginn með börnin sín tvö, dró þau sitt í hvorri hönd, skammaðist í þeim og var hin versta um leið og hún gekk inn ganginn.
Ljóð | Breytt s.d. kl. 00:13 | Slóð | Facebook | Athugasemdir (5)