Eins gott að Írar byggðu ekki Kárahnjúkavirkjun.............

Þessir menn eru að setja upp hindranir fyrir bíla
svo að þeir leggi ekki upp á gangstétt fyrir utan
írskan sportbar.
Þeir eru að ganga frá eftir daginn.
Hvað ætli það taki þá langan tíma að átta sig á þessu???

Takk fyrir sendinguna vinkona góð  

Af stórinnkaupum í Toys Rush og Kóngulóm............

Fór í þessa leikfangaverslun um daginn og ætlaði nú aldeilis að kaupa eitthvað af dóti fyrir litlu Eydísina mína. Gríðarlegt úrval af allskonar leikföngum ásótti mig úr öllum áttum og mér fannst eins og ég væri lentur inn í miðjum köngulóarvef (þó ég viti ekki nákvæmlega hvernig er að vera flæktur í slíkt) og gekk út einungis með DVD myndina Öskubuska II. Hef ákveðið að bíða með magninnkaup af leikföngum og hugsa aðeins um hvort magnið eða gæðin fái að ráða í þessu.

Öskubuska lagðist vel í barnið en samt þurfti að lita pínu í Latabæjarlitabókina samhliða áhorfi.

Hún: Pabbi, villtu teikna Kónguló?

Pabbinn: Já já og teiknar risakönguló, kolsvarta.

Hún: Oj, og hendir frá sér blaðinu "óggislegt"

Pabbinn: Af hverju finnst þér Könguló ógeðsleg.

Hún: Hún getur ekki labbað.

Pabbinn: Jú.

Hún: Nei, hún skríður.

Ég hugsa málið og ákveð að gera aðra mynd í Barbí lit, og rétti henni.

Hún: Takk pabbi, hún er bleik. Villtu líka teikna köngulóarbarnið og bróðir og mömmu? (sömu dýrategundar)

Niðurstaðan kom ekki á óvart, þetta verða bleik jól.

No rush.

Sjúkkitt.......

 

 

Vikan hefur einkennst af fíflagangi.................

en hvað haldið þið. Ég hef fengið jákvæð komment frá lifandi fólki, þá á ég ekki við bloggvini. Einnig hef ég fundið út með mikilli rannsóknarvinnu undanfarið að ég á vin (haha hí á ykkur sem hélduð ekki) og það gefur skrítna en góða tilfinningu, yndislega góða.

Merkilegt hve lengi maður þarf að umgangast einhvern án þess að gera sér grein fyrir því.

Bloggvinir, þið gefið mér líka mikið :)

 

Meinaða sko.............

Ungarnir mínir út um allt land - Myndablogg

Ragnar Þór sem leiðsögumaður.

Ragnar Þór Þrastarson og Jóhanna Lind Þrastardóttir.

 

 

 

 

 

 

 

  

 

 

 

 

Eydís Lára Þrastardóttir sem varð sko þriggja í gær.

 

Mér finnst ég vera vellauðugur..............

Nú er bara um að gera að hanga þurr á meðan myndin er tekin.....................

 

Hrikalega yrðum við heppin ef hún fengi nú hlutverkið. Það mundi breyta heimsmyndinni á svipstundu.

Persónulega finnst mér að það eigi ekki að lauma svona stórfréttum inn á mbl.is baksviðs, seint á kvöldin. Þetta ætti að fera forsíðufrétt í fyrramálið á slaginu sjö.

 

 

 

 

Jamm.......

Lohan gæti fengið hlutverk Playboy-kanínu - ef hún verður edrú

Þar sem þjóðverjarnir týndust í sumar...................

Strákurinn minn bjó þar í tjaldi í nokkrar vikur í sumar, og leiddi ferðafólk upp á Hnjúkinn, yfir sprunginn og varasaman jökulinn, en af kunnáttu. Samt var ég oft kvíðinn, það getur nefnilega allt gerst þarna ef ekki er farið eftir ströngustu reglum. Hann sagði mér t.d frá tveim Bretum sem vildu ólmir fara upp, en hann neitaði þeim því veðrið var ekki ákjósanlegt, og útskýrði fyrir þeim hættuna á að fara bara tveir saman ókunnir mennirnir. Þeir hreyttu í hann ónotum, og sögðust bara fara samt. Sem betur fer sá hann til þeirra nokkru seinna, þar sem þeir höfðu guggnað á ferðinni.

Myndin er tekin í Skaftafelli 2004

 

Bara hux í rigningunni á Skaganum.........

Laugardagur eru dagurinn .................

Þá er leikfimistími í Brekkubæjarskóla. Stundum er haldið á leikfimisbúningnum á meðan horft er á barnatímann um morguninn, þó tíminn byrji ekki fyrr en um hádegið. Eftir fyrsta tímann í haust fór maður ekki úr búningnum fyrr en morguninn eftir, þrátt fyrir ítrekaðar tilraunir foreldris við að afklæða barnið. Í dag var barnið alveg að pissa á sig, en pabbinn mátti alls ekki koma með og hjálpa, því þá hefði hann kannski getað misnotað aðstöðu sína og náð búningnum.

Pabbinn: Komdu nú úr leikfimisfötunum.

Hún:Þetta eru ekki leikfimisföt, þetta er fimmmmleikaföt.

Pabbinn: Komdu þá úr fimleikafötunum.

Hún: Nei ég ætla að vera í þeim miklu miklu lengi.

Pabbinn: Ætlarðu að vera óþekk?

Hún með hvassri röddu: Er ekki óþekk, ég er fimmmmleikaselpa.

Hún eftir dálitla þögn: Ég elska þig pabbi minn.

Bráðnun, barnið verður í fimmmmleikabúningnum í dag.

Jamm.................

Örsaga af litla drengnum .............

Minningin segir honum að hann hafi verið að óþekktast í rúminu sínu þá fimm ára, og mamma hans hastað harkalega á hann. Hann sá fósturpabba sinn og mömmu stússast í hjónarúminu yfir einsárs gamalli hálfsystur hans. Á því augnabliki vissi hann ekki að hún væri dáin.

Hann vissi það ekki fyrr en á fullorðinsárum að hann hafði mögulega á þeim tíma, óskað systur sinni dauða.

Þessi atburður átti eftir að lita allt líf hans af sektarkennd, og æskuárin urðu bara einstaka atburðir, en ekki samfeldur tími minninga sem hægt var að rifja upp.

Pössum vel upp á litlu ungana okkar, þau eru svo yndislega hrein og móttækileg fyrir hinum ýmsu hlutum......

 

 

 

 

Set með mynd af Eydísinni minni, sem er nú  kannski ekki beint beysin þarna, en rúmlega ári seinna farin að segja kallinum hvernig hún vill að hlutirnir séu.

 

 

 

See you fólks.........

 

 

 

 

Furðuleg fjölskylda og heimahangs.............

Ætlaði bara að hanga heima og gera fjandann ekki neitt, eftir erfiðan viðgerðardag og fara snemma að sofa, í rokinu. En uppúr kl 8 fór mér að leiðast og skrapp niður á pöbb til Jóa frænda. Lítið að gera hjá honum í dag, nokkrir kallar að glápa á fótbolta en svo fyllist allt um kl 23 hundruð.

"Við er um nú soldð skrítin fjölskylda, sagði Jói. Hann hafði verið á Spáni um daginn og frétt þar að frændi okkar hefði bætt einu barni í flotann. Ja há, ekki hafði ég hugmynd um það. Kannski ekki tiltöku mál þó einn fæðist í viðbót, við erum nefnilega alveg "risalega stór" fjölskylda, eins og ein nákomin mér mundi orða það.

"Þú ferð ekkert snemma að sofa kall, sagði frændi og leysti mig út með nokkrum öllururm sem standa hérna á borðinu og spyrja eins og fávitar hvort ég ætli ekki að láta vaða, og hefja drykkju.

 

 

 

 

Er nefnilega í mígandi fýlu. Gat ekki hitt Eydísina mína í dag vegna fjandans viðgerðarvinnu.

Mér finnst það svo hryllileg tilhugsun, að einhverjar kynferðislega brenglaðar manneskjur skoði myndir af barninu mínu nöktu í annarlegum tilgangi,

að ég hef ákveðið eftir mikla umhugsun, að birta ekki þannig myndir af dóttur minni aftur og eyði eða breyti þeim sem fyrir eru. Síðustu færslu mína birti ég með hálfum hug, en hef nú breytt henni. Það er sárt að geta ekki deilt með öðrum þessari yndislegustu fegurð og sakleysi sem fyrirfinnst í henni veröld, sem að sjálfsögðu öllum "heilbrigðum" foreldrum finnst barnið sitt vera.

Þið "hin" ykkur skal fækkað.

Þetta er náttúrulega opinber vettvangur hérna, verð að sætta mig við það, en reiðin kraumar í mér.