Síðar segir í bréfinu; Enn er leitað leiða til að koma eignum í verð............

Er þá átt við að það sé verið að reyna að selja fasteignir, hjólhýsi míkrófóna og segulbönd?

Sit stundum heima og huxa um hvaða eignir blað þurfi, til að geta rekið sig.

Er ekki nóg að eiga ritvél og síma? Greiða húsaleigu og laun?

Viðskiptablaðið er sko flott nafn, en samt er Bændablaðið flottara.

Og hana nú...................

Hvetur starfsfólk VB til atvinnuleitar

Tekur sæti á þingi ...................

og kemst upp með það.

Íturvaxin norðlensk skutla á besta aldri tók eitt sæti úr Landsbankanum á Akureyri (held ég að það heiti) og komst bara alls ekki upp með það. Jakkalafar bankans eltu hana um þvert og endilangt þorpið þangað til hún gafst upp á hlaupunum, og ákvað að verða bara listamaður.

Eygló Harðardóttir má taka sæti, og má líka setjast á Alþingið.

Má ég kasta hangikjöti í Alþingið? Neeee

 

Kveðja

Bjarni & Guðni ehf............................

 

Eygló tekur sæti á þingi

Alltaf er það jafn krúttlegt þegar fólk og landsbyggðarfólk............

er flokkað svo, þegar talað er um manneskjur.

Mómælandinn og vísnaraularinn Hörður Torfason spáði því í viðtölum við fjölmiðla nú fyrir helgina, að fleiri þúsundir borgarbúa mundu flykkjast í mótmælin hans og svo hafði hann líka heyrt í "fólki" utan af "landi" sem ætlaði jafnvel að leggja á, og þeysa í borgina.

Maður skreppur saman í fósturstellingu og dettur í gamla góða sveitalubba fílinginn.

Yndisleg tilfinning sem rifjar upp barnæskuna, unglinsárin, rollu og hrossalykt, ilm af nýskitinni kúadellu, súrheyslykt, hænsnailm, lykt af hundblautum hundum og svo ég tali nú ekki um ferskan norðan andvarann utan af Hrútafirðinum.

Afsakið, en ég er ekki að setja út á Hörð. Mér líkar þetta vel.

Stolt siglir fleygið mitt....................

Hún var á Dalvík í fyrra............

en er á Ísafirði núna.

Geyið litla

Arrrrrrg hvað mér leiðist...............

Engispretta á Ísafirði

Hellsibúarnir mínir - Myndarblogg - Nú verð ég myrtur hægt og rólega............

fyrir að birta þessar leynimyndir.

 

Þyrfti að fara að komast í tæri við tröll og steingervinga, snjó og vitlaus veður. Það hreinsar vel til í hausnum og gerir mann tilbúnari í að takast á við láglendisrugl og axlarbyrgðar.

En ég skal axla ábyrgð á því sem birtist hér, þó ég eigi engin axlabönd.

 

 

 

 

 

 

 

 

 

 

Jebb svona eiga hellisbúar að líta út..........

 

 

 

 

 

 

..........og jafnvel svona líka.

 

 

 

 

 

 

En svo má punta sig pínu á milli og setja upp sparibrosið.

 

Þetta er sko ekki tæmandi listi yfir verðmæti undirritaðs.

Það held ég, maðurinn er bara nokkuð hress með ungana sína, skítt með Icesave...................

Hvurslags læti eru þetta út af Bretunum...................

þó þeir flögri aðeins hérna yfir skerið?

Mættu alveg lenda í smástund ef það væru brexkar kjéllingar með.

Síðast þegar þeir komu skildu þeir eftir sig þó nokkur erfðatengsl.

Hví ekki núna líka, bar gott mál að blanda pínu.

Allavega er skárra að fá Breta heldur en Hollendinga. Þær ku vera kolóðar með víni.

 

Annars ræður Ingibjörg Sólrún þessu víst.

 

Farinn að fá mér Brexkt tyggjó...........

Kyssir ekki á vönd kvalaranna

UNIFEM á Íslandi þakkar þér kærlega fyrir að segja NEI við ofbeldi gegn konum!

Nú hafa tæplega 8000 manns skrifað undir áskorunina til ríkisstjórna heims um að gera það sem í þeirra valdi stendur til þess að útrýma þessu alvarlega mannréttindabroti.

Átakinu lýkur nú á fimmtudaginn, 13. nóvember, og viljum við auka fjölda undirskrifta enn frekar fyrir þann tíma. Því skorum við á hvert og eitt ykkar að finna einn í viðbót til að skrifa undir átakið. Ef allir bæta við einum stuðningsaðila tvöfaldast fjöldi undirskrifta! Eina sem þú þarft að gera er að velja einhvern vin, fjölskyldumeðlim vinnu- eða skólafélaga og senda honum bréfið hér að neðan!

Bestu þakkir fyrir þátttökuna og stuðninginn,

UNIFEM á Íslandi

--------

Kæri/a ......

UNIFEM á Íslandi skoraði á mig að finna einn í viðbót til að skrifa undir átakið Segjum NEI við ofbeldi gegn konum sem er að finna á síðunni: http://unifem.dacoda.com/ Ég hvet þig til að kíkja á síðuna og skrifa undir og bætast þar með hóp þeirra þúsunda sem styðja átakið. Hér eru nánari upplýsingar um átakið:

Af hverju ætti ég að skrifa undir?

Til að hvetja ríkisstjórnir heims til að beita sér fyrir því að binda endi á ofbeldi gegn konum.

Hvað geta ríkisstjórnir heims gert?

Það hefur sýnt sig að pólitískur vilji til þess að binda endi á ofbeldi gegn konum er eitt sterkasta vopnið í baráttunni. Í flestum ríkjum heims gæti bætt lagasetning, framkvæmd laga og eftirfylgni ásamt réttlátara dómskerfi minnkað ofbeldi gegn konum til muna.

Hvaða áhrif hefur það að skrifa undir?

Það hefur fiðrildaáhrif: Því fleiri undirskriftir - því sterkari skilaboð. Sterk samstaða um að ofbeldi gegn konum skuli ekki líðast skilar aukinni vitund um mikilvægi þess að sinna þessum málaflokki og hvaða lausnir standa til boða. Markmiðið er að gripið sé til aðgerða.

Hvaða átak er þetta?

Þetta er alþjóðlegt átak á vegum Þróunarsjóðs Sameinuðu þjóðanna í þágu kvenna eða UNIFEM sem hófst 25. nóvember 2007 og lýkur sama dag árið 2008. Nú þegar hafa nokkrar ríkisstjórnir skrifað undir átakið í heild sinni og þar með sýnt vilja í verki til að uppræta ofbeldi gegn konum. Nú þurfum við samstöðu til að senda út sömu hvatningu til annarra ríkisstjórna heims.

Hvað ætlið þið að gera við undirskriftirnar?

Í byrjun nóvember verður öllum íslensku undirskriftunum safnað saman og sendar í heild í alþjóðlega átakið. Markmiðið er að senda út það margar undirskriftir að eftir verði tekið. Markmiðið er að hafa fiðrildaáhrif!

Bestu kveðjur,

.........................

Þennan póst fékk ég áðan og langar að biðja þig sem ekki hefur skráð þig enn þá að láta vaða.

Linkurinn gegn ofbeldi er hér til hliðar á síðunni minni.

Að svo búnu þakka ég þeim sem hlýddu..........mér. Góðar stundir.

Kaldur andvari streymdi inn um gluggann minn........

og lagðist yfir vitin, þar sem ég hafði hreiðrað um mig í sófanum, með sængina. Ég hafði aðeins kveikt á einu ljósi, ljósinu sem lýsti upp Ikea-myndina á veggnum bláum geisla,

sængin blá,

himininn blár,

og saman mynduðu þessi þrjú fyrirbæri bláa lýsingu í stofunni,

í kvöld át ég saltfisk með kartöflum og hömsum.

Nei, í alvöru þá finnst mér stundum, nei oft, að ég þyrfti að vera með USB tengi í hnakkanum til þess að geta hlaðið sjálfvirkt niður á tölvuna öllum þeim fagurbókmenntum sem myndast í hvelinu heila.

Við svo búið má ekki Una, frænka....................

Edda Rós Karlsdóttir leiðbeinir Íslendingum með frystingu lána ................

Möguleg tilvitnun í hugsun hennar:"Sko þið þarna sem ætlið að láta frysta lán, munið að leggja fyrir peninga sem samsvarar hverri mánaðarlegri afborgun af láninu."

"Þið eruð sko ekkert að græða á þessu asnarnir ykkar, munið það. Lánið hækkar bara og þið verðið að eiga fyrir frystitímanum." Mögulegri tilvitnun líkur.

 

Jöss man. Til hvers að smella sér í frystinguna ef maður á fyrir helvítis afborguninni?

Mig vantar útskýringu á þessari Seðlagreiningu.

Ég vann einu sinni við Síldarfrystingu og fékk vel borgað fyrir það....................

Var í leit að einhverju utan sólkerfisins til að styrkja mig í trúnni.................

en datt þá í hug mannsnöfn.

Ég er við það að brenna yfir þegar fréttaþulurinn vísar á íþróttamann eftir lestur fréttanna. "Yfir til þín Hansi"

Hugsið ykkur að fullorðinn maður skuli gælunefndur Hansi, er ekki nógu slæmt að heita Hans?

Eða þá að vera konan Hans.

Getið þið ímyndað ykkur að maður sem heitir Þorvaldur geti verið fyndinn?

Hef líka heyrt að nafnið Geir-laug, án bandstriks, sé til einhverstaðar.

Það á að varða við almenn hegningarlög að nota þessi asnalegu tilfinngatákn.

En þetta var alls ekki það sem færslan átti að fjalla um, er búinn að steingleyma hvað það var.

Góða nótt, sofið rótt, í alla nótt og vaknið hress og kát á morgun.............