o

13.3.2009 | 13:03

Á meðan ég borðaði hestakjötið áðan...............

fór hugurinn á tölt. Ég hugsaði um bæjarnöfn og örnefni þar sem ég hafði farið um á Stóra-Rauð hér á árum áður.

Saurar, Svertingsstaðir, Snípur, Upptyppingar og Tíðarskarð þar sem bíllinn minn tókst á loft í vindhviðu en lenti mjúiklega aftur á miðjum veginum.

Skrítið að detta þetta í hug ákkúrat á meðan maður borðar það sem maður ætti frekar að ferðst á.

Fór á magnaða tónleika með Magna & co í gærkvöldi í Fífunni (með ljósmyndaraleyfi) og skaut 360 myndum. Var að væflast þarna áður en tónleikarnir hófust, á meðan englakórinn frá Selfossi var á lokaæfingu og náði að spjalla pínu við Magna.

Hann hóf þegar að monta sig af nýju myndavélinni sinni EOS 1000D en mér sýndist hann roðna pínu þegar ég sýndi honum mína fullkomnu EOS 40D, eða kannski var það bara ljósið sem gerði hann rauðan.

Dauðþreyttur ákvað ég að leggja mig á fremsta bekk og bíða hátíðarinnar. Vakna svo við það að þrjár gullfallegar (held ég) stúlkur setjast ofan á mig, eða næstum því, og tónleikarnir hefjast.

Frábærir tónleikar með englakór Fjölbrautarskóla Suðurlands, Magna, Eiríki Hauks og Heru.

Hef ekki hugmynd um af hverju ég er að skrifa þetta því ég má ekkert vera að því.

Mér er þungt í maganum...................

Flokkur: Bloggar | Breytt s.d. kl. 13:07 | Facebook