Þetta er allt saman hérna enn þá................

og þið líka, jedúddamía.

Lyktin af tölvunni er horfin, ég get svo svarið það. Vírusvarnarkeyrslan hreinsaði smitið þegar þá maður loksins nennti að keyr´ana. Sumir hafa kvartað í vorum háverðugheitum yfir því að hafa fengið linka á einhverjar blaðsíður úti í heimi sendar héðan og þá sérstaklega á Msn. Meira kvartið alltaf.

Ég held að óhreinindin heiti "new budapest"

Jólin koma samt, og hér á bæ er afskaplega mikið að gera. Öll jólalög sem fundin hafa verið upp (af misgáfuðu fólki) eru hér um bil öll numin utanbókar samstundis og sungin við öll möguleg og ómöguleg tækifæri.

Nema þegar myrkrið er orðið hvað svartast og von er á einhverju jólasveinafíbblinu með pakka í skóinn, þá er kastað sér í rúmið og augun klemmd aftur þangað til Óli tekur öll völd.

"Nei pabbi, þú mátt ekki hafa gluggann opinn. Þá heldur jólasveinninn að við sjáum hann" sagði hún, þegar pabbinn ætlaði að setja rifu á gluggann svo væri einhver möguleiki á að barnið skildi hvernig í ósköpunum jólasveinninn kæmi draslinu inn um gluggann.

Jæja þetta er svo sem ágætt allt saman, en mér minnst þessir jólasveinar vera hin mestu fíbbl. Var ekki hægt að finna auðveldari lausn á málum en að láta þá komast upp með að ganga í gegn um veggi. Ég skildi þetta með strompana á sínum tíma, en sko þeir eru horfnir.

Kannske meira fyrir hátíð í bæ, bæ........................

Athugasemdir

[Ía Jóhannsdóttir, 21.12.2008 kl. 20:01]

Já var einmitt að pæla í þessu með jólasveinana um daginn og hugsaði með mér ok ég get sagt Þóri Inga þegar hann kemur hingað að sveinki komi í gegn úm stropinn því hér er arinn en hvað svo þegar hann kemur heim og engin arinn eða strompur. 

Bara eintómt vesen með þessa sveinka en þeir eru jú ósmissandi.

Gott að heyra frá þér Þröstur minn

[Ásdís Sigurðardóttir, 21.12.2008 kl. 23:17]

Hún hefur þroskast litla skottan þín.  Farðu vel með þig og þína kæri vinur.

[Lára Hanna Einarsdóttir, 22.12.2008 kl. 00:31]

Jólasveinar er görlóttir garlakallar sem geta ótrúlegustu hluti!

[Sverrir Einarsson, 22.12.2008 kl. 14:13]

Eigið góðar stundir  framundan þið feðginin og gættu að þér hver ræður um jólalagaval nú á dögum.

Þú ert enn og aftur tvöfaldur..........ég held ég bara gefist upp. þú ert sá eini sem verður alltaf tvöfaldur hjá mér við það að þú samþykkir mig........er ekki alveg að skilja þetta.....en.....

þú ert duglegri að blogga en ég............samt ylmar allt hér af súgfirskri skötu, og gerir það þangað til ég set jólahangiketið á hlóðirnar.

[Guðríður Haraldsdóttir, 24.12.2008 kl. 00:41]

Gleðileg jól og megir þú fá sem flestar jólagjafir!!!

Þér er enn óhætt að koma (fyrir kl. 16 aðfangadag) og fá jólalesninguna ef þú vilt!