Hvort er meira leim að vera umvafinn lopa..................

eða með hann í andlitinu?

Sumir sem missa hárið af höfðinu, fá sjálfstraustið aftur með því að safna lopa í andlitið.

Það var sagt mér fyrir ekki svo löngu síðan að ég væri hálf leim í peysunni minni.

 

Hún var rauð, hvít og móbrún. Held hún hafi verið garðaprjónuð.

Hún var líka hlý og mér þótti vænt um hana.

Ég vann einu sinni með rosknum manni við fiskflökun. Hann var alltaf í lopapeysu og engu undir, vetur sumar vor og haust. Honum var alltaf jafn hlítt, ekki heitt heldur hlítt.

Mér þótti vænt um hann, en hann er dáinn.

ATH: Hrútaskráin er komin út.........................

Athugasemdir

[Sverrir Einarsson, 25.11.2008 kl. 17:28]

Betra að vera umvafinn ekki nokkur smurning.

Ég hlálega settur er saman
ég segi það rétt eins og er.
Ég skelfilegt skegg hef í framan
en skallinn er gljáandi ber.

Höfundur þessarar snilldar vísu er gamall skólabróðir og orti  þetta um þáverandi  skólastjóra Bændaskólans á Hólum en núverandi þingmann Jón Bjarnason, hverjju orði sannara.

ps. ég man ekki til þess að sjá hann oft í lopapeysu.

[Ásdís Sigurðardóttir, 25.11.2008 kl. 17:37]

Þú ert sko bara flottur í peysunni, lopi um skrokk er unaður ekki spurning, en líkami umvafinn öðrum er samt best.

[Hrönn Sigurðardóttir, 25.11.2008 kl. 18:25]

Tjah.... það fer algjörlega eftir.........

Láttu mig vita þegar þú ert búinn að safna lopa í feisið á þér og ég skal koma og dæma! Ég er nefnilega eins og Jesú í hjáverkum - dæmi lifendur og dauða

[Hrönn Sigurðardóttir, 25.11.2008 kl. 18:26]

....hvar er peysan þín núna?

[Hrönn Sigurðardóttir, 25.11.2008 kl. 18:26]

hey og hrútaskráin.... hún er gefin út í minni sveit

[Hrönn Sigurðardóttir, 25.11.2008 kl. 18:27]

Díj... hvaða dónaskapur er þetta í Ásdísi?

[Hrönn Sigurðardóttir, 25.11.2008 kl. 18:27]

Er þetta einhver dónasíða eða hvað?

[Ía Jóhannsdóttir, 25.11.2008 kl. 19:31]

Ekki láta þessar stelpur hér að ofan hafa áhrif á þig, vertu bara eins og þú ert nakinn eða umvafinn lopa.  Bara eins og þú fílar það hverju sinni.  Úps nú kemur Hrönn alveg á fullu, dóna hvað?

[Þröstur Unnar, 25.11.2008 kl. 22:46]

Obbosí. Hvað gengur á hér.

Ég sé engan dónaskap við lopa, nema þegar hann hefur dottið af höfuðum manna.

Hrönn ég safna ekki hári í andlitið, þá fyrst mundi Dúa telja mig fríðan og því þori ég ekki.

Sverrir takk fyrir limruna atarna 

ÍA þær hafa engin völd hér, því ég verð víst bara að vera eins og ég er og ef ég væri það ekki þá væri ég eins og hinir, sem gerir málið all verulega flóknara.