Ölvunarakstur - Fegurðarsamkeppni - Feministi - Dómararáðningar - Bloggókurteysi - Geðveiki - Veðurfar - Konuviðreynslur - Kynlífssögur.............

er á meðal þess sem ég hef ekki verið að hugsa um þessa helgi. Heldur bara leigið á hryggnum horfandi upp í hvítt loftið á stofunni og látið mig dreyma um hér um bil allt annað. Tók í handbremsuna þegar mér datt í hug að gaman væri nú að láta sig hverfa af landi brott í svona ár eða tvö, er semsagt ekki í farbanni eins og margir pólverjar eða eitthvað, um þessar mundir.

Hef nefnilega ekkert gert af mér, maðurinn sem nálgast nú grafarbakkann sem óð fluga. Kannski kominn tími á að fara að taka einhverja áhættu í lífinu, eins og að hoppa fram af Norsku fjalli (með fallhlíf auddað), fara í loftbelg kring um Eyrarbakka, hvalaskoðun á Norðlingafljóti, hitta Sýslumanninn, dvelja í Tælandi um hríð, eru ekki allir tælandi þar, því þá ekki ég? Eða bara helgarferð til Köben, alltaf einver áhætta þar af óeirðum eða eyðni.

Ne, bara svona ykkur að segja, þá verður eitthvað af þessu fyrir valinu wery soon.

Ef ykkur finnst þetta ruglingslegt, þá eruð þið bara ekki góð í lestri.

Það held ég...............

Athugasemdir

[Gunnar Helgi Eysteinsson, 13.1.2008 kl. 22:03]

[Guðríður Haraldsdóttir, 13.1.2008 kl. 22:15]

Komdu bara að skokka með mér á Langasandinum ... stöku sinnum á flóði til að fá enn meira adrenalín. Er það ekki nægileg áhætta? Og spenna? Og gaman?

[Guðrún Jóna Gunnarsdóttir, 13.1.2008 kl. 22:15]

Engin spurning, tímabært að taka áhættu og gera það sem þig langar. Fátt eitt spennandi hér nema kannski jöklarnir, jeppinn og svo auddað litla prinsessan

Farir þú til Thailands þarftu að huga að bólusetingum í tæka tíð, 50 þús lágmark, 6-8 sprautur. I know!

Mæli ekki með stífbónuðu gólfi fyrir fólk á okkar aldri

[Ásdís Sigurðardóttir, 13.1.2008 kl. 22:24]

Elskan mín, ertu búin að sjá fyrir þér brúðkaup á suðrænni strönd??  Ef þú brýtur eitthvað af þér skal ég heimsækja þig í hverri viku, þ.e.a.s. ef þú afplánar á Hrauninu, nenni ekki á Kvíbryggju.  Annars held ég að þú sért genatískt of góður til að brjóta af þér.  Ég held að það sé best að þú takir upp létt skokk með Himnaríkis frúnni og fáir þér svo léttar veitingar í Skrúðgarðinum, þið getið svo til tilbreytingar haft bloggvinadag á Akranesi, þá skokkum við öll fyrst saman skemmtiskokk og svo súpa og með því í Skrúðgarðinum marg umrædda.  Eigðu góða viku gamli minn.  Kær kveðja.

[Þröstur Unnar, 13.1.2008 kl. 22:32]

Shit, ég er að tala um áhættu, ætla ekki að drepa mig á Langasandi Gurrí.

Dúa, spurning með að bóna frekar húsþakið. Hjálmur er ekki inn í myndinni. Þú mundir aldrei þora með mér til Köben. Hvað ef ég setti nú magnyl út í appelsínið þitt er við sætum eina kvöldstund út á suðursvölunum og nytum útsýnisins yfir sukkliðið á Strikinu.

Guðrún, held ég hafi dottið oní flestar jökulsprungur Íslensku jöklanna á honum Rauð mínum. Það er að verða pínu vanalegt og áhættulítið.

Ásdís mín, já ég sé þetta alveg í hyllingum. Það er einmitt einn valkosturinn, Kanarí, og finna einhvarja fugladrottningu. Hún má alveg heita Lóa en hún verður að vera fleyg.

[Rebbý, 13.1.2008 kl. 23:08]

mæli með því að taka áhættu (fyrir aðra en mig sko) lífið er of stutt til að lifa í vananum.   skelltu þér til kanarí og skrepptu yfir á ástareyna - kannski finnur þú eitthvað spennandi þar.

[Sigga (IP-tala skráð) 13.1.2008 kl. 23:46]

Ekki spurning að taka boðinu frá Gurrí. Gætir síðan boðið henni með þér til Köben og síðan til spákonu til að spá fyrir um framhaldið Sé þetta fyrir mér enda með brúðkaupi hjá ykkur og flotta kaffiveislu í Skrúðgarðinum.

[Ía Jóhannsdóttir, 14.1.2008 kl. 09:18]

Oh hvað ég skil þig það koma svona dagar.  Skelltu þér bara hingað til Prag. Þeir setja upp hér með vorinu svona rólu í miðborginni sem fer með þig upp til skýja og kemur adrenalíninu í gang.  Eigðu góðan dag.  Kv. Ía.

[Jenný Anna Baldursdóttir, 14.1.2008 kl. 16:36]

Hehe, fyrirsögnin gerði út af við mig.  Hm... farin að leggja mig.