Auglýsingamótvægisjöfnun - Til hamingju Skessuhorn.................

með það að ég skuli plotta ykkur hér á mínu einkabloggi og auglýsa ókeypis fyrir ykkur. Eins og ég er nú mikið á móti auglýsingum.

Tilefnið er að Langisandur, baðströnd okkar Skagamanna, man nú fífil sinn fegri eftir stórbrim undanfarnar vikur og heitir nú Langaurð. Sandurinn er að hverfa á haf út og grjóti skolað upp í staðin.

Hef eftir áræðanlegum heimildum að sumar frúr sem búa í háhýsunum við sandinn, séu ekki par ánægðar með hamskiptin, eins og allir sannir sólbaðsdýrkendur.

Auðvitað sagði Skessuhorn frá................

ps. Myndin er að sjálfsögðu stolin af vef áðurnefnds blaðs....

Týndur gómur - Góð fundarlaun í boði..............

Týndi Gómnum mínum á föstudaginn 8 febr fyrir utan Hyrnuna . Góð fundar laun í boði. uppl í síma 

Æi man hann ekki, hringi aldrei í sjálfan mig.

Ég veit að ég verð böggaður með þessari auglýsingu og uppnefndur eldriborgari, sem ég er að sjálfsögðu ekki fyrr en eftir 30 ár, en hva, skítt með það, hún er ekki mín, meina auglýsingin.

Neibb, hef ekkert annað þarfara að gera og kann ekki að blogga í augnablikinu.

Bíð eftir 55kg þvottavélinni sem berst hatrammri baráttu við nærföt. Velti fyrir mér að ræsa skúringafötuna af værum blundi, hún hefur fengið langa hvíld.Rigningin hefur þessi áhrif á mig, finnst eins og allt þurfi að vera tandurhreint.Svo er farið að birta svo asskoti snemma að drullan og rykið sést miklu lengur yfir daginn. 

.

Farinn að skúrast...................

Ógeðsleg veira hefur innreið sína.......................

í hálsakot, nefgöng og hitavarnarkerfi líkamans, sem sagt efri öndunarlíffæri líkamans.

Og hef þess vegna legið undir feld í mest allan dag, með smá skreppum á vinnustað, því að sjálfsögðu er maður algjörlega ómissandi. Það var einhvern tíma fyrripart síðustu aldar sem svipað atvik henti mig, og bjóst statt að segja ekki við öðru, því eins og allir vita er maður nú komin að fótum fram af elli.

Var að leita af neðri öndunarfærunum en fann þau ekki.

 

Hvað um það, er samt kátur yfir ykkur bloggvinir, þið eruð bráðskemmtileg.

 

*Hóst.....

Ham - fara - nanoblogg...................

Ég er í ham, og þú sem ætlar að komast, þarft að hamfletta.

Það er ekki sama hvernig það er gert.

Það hefur verið gert áður, en hamurinn vex aftur, öllu seigari en fyrr.

Undanfari hamflettingar eru hamfarir.

 

Ok, ok skal taka pillu........

Þessari færslu verður eytt eftir smá.........

Með brjóstin ber í biðröðinni í Einarsbúð, eða hugsaðu þér jafnvel í Hagkaup, Holtsapóteki................

eða skokkandi á gangbrautum bæjarins. Er það þetta sem við viljum? Af skrifum karlmanna hér á bloggsíðunum má yfirleitt lesa um hversu hrikalega óþarft klæði þetta er. Kannski ekkert skrítið þar sem sumum finnst nú bara skemmtilegast í nógu þéttri biðröð, og fá að nuddast aðeins. Þið kannist við þetta stelpur, neibb ekki ég.

Er að vísu svolítið seinn með þetta kvabb um fréttirnar frá Köben um stelpur sem vilja fá að strippa í Dönsku laugunum. Ég vil fá að hafa þetta eins og það hefur verið hingað til. Hvað er skemmtilegra en að láta sig dreyma um það sem leynist undir Wonderbra. Jú, kannski hláturskastið heima í svefnherbergi þegar honum er svipt af (stundum, ekki alltaf).

Hvað um það, ég varð bara að koma þessu frá mér og líður miklu betur núna.

Og þið sem hafið á síðum ykkar tilkynnt fyrirfram um niðurskurð bloggvina án kommenta, let´s go ég næ ykkur bara aftur.

Til hamingju Grímseyingar með vélbátinn ykkar, kostar skít á kanil að fixa eina bátavél, e.haggi?

Það var nú það.........

Þessi færsla var flokkuð undir Vísindi og fræði.

Ég get svarið það að ég held að konunni sé eitthvað í nöp við okkur.........

hérna á Skaganum. Hef fyrir því öruggar heimildir að heita vatnið renni ekki í Himnaríki og svo áðan fékk ég miða inn um dyrnar frá Orkuveitunni sem segir að lokað verði fyrir aðalheitavatnsæð inn í bæinn frá kl 9:00 í fyrramálið og til kl 18:00 á morgun. Er hugsanlegt að Vélstýran standi á bak við þetta og langi til að kæla okkur hressilega niður hérna uppfrá?

Nei Anna mín bara *djók.

Held annars að læknar, hjúkrunarfræðingar, sjúklingar og aðrir sem nota eitt vinsælasta fæðingar-sjúkrahús landsins, muni ekki sætta sig við að ganga í óhreinum brókum á morgun, þannig að ég verð að þvo þvott í alla nótt.

Þið sem verðið á næturröltinu, eruð hjartanlega velkomin í næturkaffi anytime.

Og ég sem ætlaði sko að liggja í hrikalegu letikasti í allt kvöld.

Sko, mér finnst þetta stórfrétt...............

Þegar ég vann í frystiklefa HB & co á Akranesi.........

fyrir 100 árum (held ég) þá sagði verkstjórinn mér að borða kalt skyr í morgunmat og þá yrði mér sko ekki kalt í klefanum. Tók kallinn á orðinu og hef fylgt þeirri reglu síðan. Samt var mér skítkalt í allan dag, en það hlýtur að vera út af einhverju öðru.

Miðnætursnarlið er oftar en ekki KEA skyr með rjóma, miklum sykri og helst bláberjum.

Það var ekki í boði í kvöld.

Það held ég nú, lömbin mín stór og smá.........

Íslensku jöklarnir verða horfnir eftir 200 ár...................

Ísland er eins og korktappi á Atlandshafinu, hálendið hækkar um 2 cm árlega og strandeyðing er stöðug.

Rúv sagði frá og ég fæ kvíðahroll.

Bleikt og Blátt my ass, Kolbrún!

 

 

Endir.

Nei, stærðin skiptir engu máli...................

 segir Sarah Harding, í stelpnabandinu Girls Aloud.

"Aðal atriðið er að menn viti hvað þeir eiga að gera við hann."

 

 

 

 

 

Ég er bara ekkert sammála stelpuskottinu. Það skiptir máli í hvað þú ætlar að nota hann.

Veit sko alveg hvað á að gera við minn og hvernig á að not'ann     

Eða er ég að misskilja eitthvað?

Hux hux.........

Vér aumir karlmenn.......................

Guð byrjaði með að skapa asnann og sagði síðan við hann: - Þú ert Asni.
Þú átt eftir að þræla hvern einasta dag og verður kallaður heimskur. Þú munt lifa í 20 ár.
Asninn svaraði: Ojoj þetta hljómar ekki vel....getum við ekki sagt að ég lifi bara í 5 ár. - Guð samþykkti tillögu asnans.

Síðan skapaði Guð hundinn og sagði við hann: - Þú verður kallaður hundur og munt einbeita þér að því að hlýða, borða afganga og standa vörð um húsið. Þú munt lifa í 35 ár.
Hundurinn svaraði: Ojoj, þetta verður ekkert skemmtilegt líf, er ekki nóg að ég lifi bara í 15 ár? - Guð samþykkti tillögu hundsins.

Nú skapaði Guð páfagaukinn og sagði við hann: - Þú verður kallaður páfagaukur. Þú munt sitja úti í horni og endurtaka allt sem sagt er til ama fyrir alla. Þú munt lifa í 75 ár.
Páfagaukurinn svaraði: Þetta hljómar frekar einhæft og leiðinlegt.
Getum við ekki bara sagt 50 ár og málið er dautt? - Guð samþykkti tillögu gauksa.

Að lokum skapaði Guð manninn og sagði við hann: - Þú ert karlmaður og munt lifa góðu lífi. Þú ert vel greindur og munt ráða ríkjum á jörðinni. Þú munt lifa í 20 ár.
Maðurinn svaraði: Þetta hljómar allt mjög vel og ég mun örugglega una hag mínum vel. En get ég ekki lifað aðeins lengur? (og nú sannaði karlmaðurinn greind sína): - Get ég ekki fengið 15 árin sem asninn
vildi ekki, 20 árin sem hundurinn afþakkaði og líka þessi 25 ár sem páfagaukurinn vildi ekki?
Guð samþykkti tillögu mannsins.

Þess vegna lifir maðurinn æðislegu lífi upp að 20 ára aldri. Síðan giftir hann sig og þrælar næstu 15 árin og venst því að vera kallaður heimskur.
Næstu 20 árin fara í að uppfylla þarfir allra fjölskyldumeðlimanna, borða afganga og passa húsið. Að lokum situr karlmaðurinn síðustu 25 ár ævinnar úti í horni og endurtekur allt það sem sagt er, til ama fyrir alla í nánasta umhverfi.

 Jammm......