Að flýta vegaframkvæmdum

svo auðveldara verði fyrir landsbyggðarfólk að sækja vinnu á suðvestur hornið, þegar allur kvótinn er farinn. Eða hvað?

Vegaframkvæmdum fyrir 6,5 milljarða verður flýtt

Uppbygging bæjarins er

hafin að fullum krafti. Í morgun voru starfsmenn bæjarins og vinnuskólinn á fullu við að hreinsa upp sóðaskap helgarinnar. Verst varð úti tjaldstæðið þar sem áttu að hafa verið um það bil 300 tjöld. Vona að svona hátíð verði ekki endurtekin, eða höfð þá í öðru formi.

Mynd frá Akranes.is sýnir Sementsverksmiðjuna og höfnina.

Tónleikar Bubba Morthens

í sementsgeymslu Sementsverksmiðjunar á Akranesi voru vægast sagt frábærir. Lagði það á mig að ganga þvert í gegnum bæinn alveg niður á höfn til að berja goðið augum. Þegar inn var komið varð maður að troða sér eins framalega og hægt var að sjálfsögðu. Sveittir líkamar umvaðir lopapeysum hoppuðu og dönsuðu í þéttri kös. Lyktin minnti mig á lyktina í fjárbílnum á leið í sláturhúsið í gamla daga. Bubbi sýndi okkur að hann er í feikna formi og gaf sig allan í flutninginn. En mikið var nú gott að komast út eftir tónleikana, og reyta af sér lopann, sem óhjákvæmilega hafði límst við mann ásamt misgóðri svita og ilmvatnslykt. Mjög skemmtilegir tónleikar sem ég hefði ekki viljað missa af.

Rauðhærðasti Íslendingurinn

valinn á Írskum dögum á Akranesi.

Er ekki búinn að framkalla myndina af honum, en þessi verður bara að duga á meðan 

 

Af Írskum dögum

er gjörsamlega allt fínt að frétta. Veðrið er núna mjög gott. En í morgun var svolítið blautt á tjaldstæði bæjarins. Talaði við nokkra og allir sammála um "rosa stuð".

 

 

 

Þessi hafði það bara gott.

 

 

 

 

Götugrill

 

Kíkti á kaffihúsið Skrúðgarðinn, þar sem Friðþjófur Helgason sýndi flottar ljósmyndir fyrir utan, en fór svo inn til þess að fá mér Latte kaffi sem heitir víst núna Kaffi Gurrí. Mjög gott kaffi og fínn dagur, vona bara að kvöldið og nóttin verði stórslysalaus 

 

 

Írskir dagar á Akranesi

Fór smá rúnt um bæinn minn litla og sæta, og ég held að hann sé ónýtur.

Copy-Paste frá Skessuhorni: Helgi Pétur Ottesen, varðstjóri hjá lögreglunni hafði í mörgu að snúast þegar rætt var við hann klukkan 3:30 í nótt en sagði: "Það er allt vitlaust að gera hjá okkur og við getum af þeim sökum ekki á þessari stundu upplýst fjölmiðla um gang einstakra mála í smáatriðum. Við munum hitta forsvarsmenn Írskra daga í fyrramálið og í framhaldi þess gefa út fréttatilkynningu um atburði næturinnar," sagði Helgi Pétur og var við það sama rokinn til að sinna verkefnum næturinnar.

Varð að loka öllum gluggum

svo grillbrælan sem kúrir yfir bænum nái ekki inn til mín.

Blöðrur, fánar, rauðar hárkollur, bjór. Fólk kemur saman í öllum götum bæjarins og heldur götugrillveislu. Er að verða svangur af þessu öllu, og pínu öfundsjúkur. En ok ætla bara að kaupa mér grill, skella því aftan í Big-Red og halda til fjalla.

Maður var svo þreyttur í Sundenborg 2006

og svo er Stefanía frænka líka æðislega góður koddi.

Enn og aftur um misnotkun barna.

Djöfull er maður að verða gegnum sýrður af þessu. Annan hvern dag birtast fréttir um misnotkun, nauðgun, dráp og ofbeldi gagnvart börnum. Eftir lestur svona pistla fer maður í ham, blóðið flæðir, maður hugsar um sitt barn.

Hvar er hún ákkurat núna?

Hver er með henni?

Er einhver að horfa á hana?

Hvað ef þetta gerðist og maður fengi ekki að vita það fyrr en mörgum árum síðar?

Gæti maður þá fyrirgefið sér fyrir að líta af henni?

Nei!

Er ég að klikkast, eða eru fleiri sem hugsa svona?

 

Ég verð þá bara heima þann dag

sem Íslendingar ætla að mæta Eistum, eins og Guðjón íþróttafréttamaður fullyrti að mundi gerast á næstunni.

Hef engan áhuga á að mæta þeim, einum og sér.