Ég er stofnfélagi og á hlut í fjórum sjóðum..............

sem hafa ávaxtað sig afskaplega vel. Enda var stofnað til þeirra af eins mikilli kostgæfni og kostur var á hverjum tíma. Stofnfélagar voru ekki valdir af handahófi enda mikið sóma fólk allt saman að mínu mati.

Elsti sjóðurinn er 24. ára og skilar miklum hagnaði.

Miðjusjóðirnir tveir eru einnig í góðum málum.

Yngsti sjóðurinn sem er aðeins þriggja ára, hefur líka skilað góðri ávöxtun frá stofndegi. Sá sjóður verður fjögurra ára þann 13. þessa mánaðar, og eitthvað segir mér að afmælisþema dagsins verði í bleikari kantinum.

Kæru bloggfélagar. Tilraun minni á vinsældaraukningu er lokið. Árangurinn var eins og ég bjóst við, einhver hundruð sæti upp á við. Nenni ekki meir í þeim málum.

Og nú verður líklega bara bloggað um brauða og kökugerð hér eftir.

Svo sígum við bara aftur niður á okkar stað, þar sem svo ágætt er að vera.

Athugasemdir

[Brynja skordal, 2.10.2008 kl. 15:59]

þetta er sko það besta á líka 6 svona dýrmæta sjóði sem vaxa og dafna mér til mikllar Gleði og ástar hafðu það gott í Bakstri

[Jenný Anna Baldursdóttir, 2.10.2008 kl. 17:38]

Þú ert ríkur maður.

[Hrönn Sigurðardóttir, 2.10.2008 kl. 19:49]

Sjúkkett hvað ég er fegin að þú ert farin að skrifa um það sem þú hefur vit á!