Nýlegt íslenskt jórturdýr skorið í þunnar sneiðar..............

með sveppum, brúnni sósu, grænmeti og kartöflum.

Bara ágætur hádegismatur.

Annars var mér boðið í hjartaveislu á suðurlandsundirlendið, held við Atlandshafið einhverstaðar, en sorrý, of sein er, orðinn pakksaddur.

 

Bilun varð í vatnskerfi Himnaríkis og mikill vatnselgur steypist yfir oss, viðgerð stendur yfir.

Þetta er ljóta helvítis bullið í mér, en hvað skal mann gjöra annars................

Borðaðu þig granna/n...............

á Akranesi og í Borgarnesi.

Þegar hér er komið sögu, hef ég ekki græna glóru um hvað málið snýst.

Er kannski meiri séns á að borða sig spikfeita/n í borg óttans heldur en í sveitinni

Það þarf ekki að kenna mér svona át. Hef nefnilega étið mig grannan daglega frá 12 ára aldri, með kokkteilsósu og öllu tilbehör.

Á Skessuhorni púnktur is, má sjá þessa auglýsingu.

 

Annars bara saddur fitt og fínn...........

Ps: Sá eða sú sem veltir mér yfir 100.000 heimsóknamúrinn fær örugglega blóm og kransa...........

Með flugbeittum hníf risti ég skurð..............

á stóran vöndulinn sem lá fyrir framan mig á diskinum. Ég fletti upp þykkri húðinni og framan í mig glotti gamall pínulítill Þorskur.

"Láttu mig í friði ég er í felum hérna"

Hádegismaturinn minn.

Ýsa í orlydeigi er eitthvað það flottasta sölutrix sem fóðurseljendur hafa fundið upp.

Dem it.........ég er farinn í Einarsbúð, svangur.....................

Þegar konur eldast höfundur Jón Jónsson - Ekki mundi mér detta annað eins í hug - að konur eldist, neibb..................

Það er mikilvægt fyrir karlmenn að muna, að eftir því sem konur eldast verður erfiðara fyrir þær að halda sömu gæðum í húsverkunum og þegar þær voru ungar. Þegar þú tekur eftir þessu, reyndu ekki að æpa á hana. Sumar konur eru ofurviðkvæmar, og það er ekkert verra til en ofurviðkvæm kona.Ég heiti Jón. Ég ætla að segja ykkur hvernig ég tókst á við þetta ástand varðandi konuna mína – hana Siggu. Þegar ég settist í helgan stein fyrir nokkrum árum, þurfti Sigga auðvitað að fá sér heildagsvinnu meðfram hlutastarfinu, bæði til þess að auka tekjur heimilisins og halda sparnaði okkar hjóna gangandi. Fljótlega eftir að hún fór að vinna tók ég þó eftir að aldurinn fór að sjást á henni.

Ég kem venjulega heim úr golfi á sama tíma og hún kemur heim úr vinnunni. Þó hún viti hvað ég er svangur, þá þarf hún næstum alltaf að hvíla sig í hálftíma áður en hún fer að
elda matinn. Ég æpi þó ekki á hana. Í staðinn segi ég henni að taka þann tíma sem hún þarf og vekja mig bara þegar maturinn er kominn á borðið. Ég borða venjulega hádegismat í “Heiðursmannagrillinu” í klúbbhúsinu þannig að það er auðvitað ekkert á dagskránni að fara út að borða.Áður fyrr var Sigga vön að vaska upp um leið og við vorum búin að borða. Nú er hinsvegar ekkert óvenjulegt að það bíði jafnvel í nokkra tíma. Ég geri það sem ég get með því að minna hana á það á nærgætinn hátt að diskarnir þvoi sig ekki sjálfir. Ég veit að hún kann að meta þetta, þar sem það virðist hvetja hana til að klára uppvaskið áður en hún fer að sofa.

Annað einkenni öldrunar er kvörtunaráráttan held ég. Til dæmis heldur hún því fram að það sé erfitt að finna tíma til að greiða reikningana í matartímanum. En strákar, við lofuðum að standa með þeim í blíðu og stríðu, svo ég brosi bara og býð fram hvatningu. Ég segi henni bara að dreifa þessu á tvo til þrjá daga. Þannig þarf hún ekki að flýta sér eins mikið. Ég minni hana líka á að þótt hún missi af matartímanum af og til sé það allt í lagi ( þið vitið hvað ég meina ). Mér finnst reyndar nærgætni einn af mínum betri kostum.Þegar hún vinnur einfaldari verkefni, virðist hún halda að hún þurfi fleiri hvíldarstundir. Hún varð til dæmis að taka pásu þegar hún var einungis hálfnuð með að slá blettinn. Ég reyni að vera ekki með uppistand. Ég er sanngjarn maður. Ég segi henni að útbúa sér stórt glas af nýpressuðum köldum appelsínusafa og setjast í smástund. Og þar sem hún er að
gera þetta, bið ég hana að blanda einn fyrir mig í leiðinni.

Ég veit að væntanlega lít ég út eins og dýrlingur vegna þess hvernig ég styð hana Siggu mína. Það er ekkert auðvelt að sýna svona mikla tillitssemi. Mörgum karlmönnum finnst það erfitt. Og mörgum finnst það alveg ómögulegt ! Það veit enginn betur en ég hversu pirrandi konur verða þegar þær eldast. En strákar, ef þið hafið lært það af þessari grein að vera nærgætnari og minna gagnrýnir á konurnar ykkar sem eru að eldast – lít ég svo á að þetta hafi verið þess virði að setja á blað. Við megum ekki gleyma því að við fæddumst á þessa jörð til hjálpa hver öðrum.Kveðja,
Jón Jónsson

Athugasemd ritstjóra:

Jón Jónsson lést skyndilega þann 27. maí sl. af blæðingum í endaþarmi. Samkvæmt lögregluskýrslu fannst Calloway extra löng 50 tommu Big Bertha golfkylfa á kafi í rassgatinu á honum, þannig að aðeins stóðu tíu cm af handfanginu út, og við hliðina var sleggja.

Sigríður konan hans var handtekin og ákærð fyrir morðið. Kviðdómurinn sem eingöngu var skipaður konum var 15 mínútur að komast að niðurstöðu sem var þessi: Við föllumst á það sem fram kemur í vörn Sigríðar að Jón hafi einhvern veginn, án þess að
gera sér grein fyrir því, sest ofan á eigin golfkylfu.

Af þorrablótum og ónýtum mat. " Mér fannst þessi matur ekki góður.................

sem ég fékk á leikskólanum."

"Hann var ónýtur"

"Mér finnst betra að fá hafragraut og lýsi hjá pabba mínum"

Aðeins stílfært af föður barnsins, annars alveg kórrétt, það á að vera lýsi með öllum morgunmat og hefur verið svo frá fæðingu, annars minnir barnið á sig.

Ekki nokkur ástæða til að rengja orð stúlkunnar, myndin segir allt sem segja þarf um þetta fóður.

Þessi færsla skoðast sem pabbablogg..........

“Hvernig hefði líf mitt orðið hefði ég fæðst annarsstaðar í heiminum?”

Skessuhorn segir frá: Belgísk sjónvarpsstöð hefur leitað til Skessuhorns og óskað aðstoðar við að auglýsa eftir fólki hér á landi til þátttöku í allsérstæðu verkefni. Starfsfólk stöðvarinnar vinnur að gerð myndar þar sem rætt er við fólk úr mörgum heimsálfum sem á sömu afmælisdaga og fæðingarár. Því hafa þau uppi markvissa leit að fólki af báðum kynjum sem hefur neðangreinda afmælisdaga. Markmiðið með gerð þáttanna er að svara einni grundvallarspurningu: “Hvernig hefði líf mitt orðið hefði ég fæðst annarsstaðar í heiminum?” Leitað er að fólki með ólíkan bakgrunn, þjóðerni, fjárhag, félagsstöðu, menntun og fleira. Tilvitnun líkur.

Ég var til dæmis ataður kúamykju, mold, heyi, og smurolíu til 15 ára aldurs (þá fór ég í bað).

Hefði ég nú fæðst á Indlandi og orðið prestur, eða BNA hermaður, eða Írskur drykkjurútur, eða Þýsk mella, eða Grænlenskur lúsasafnari, eða Færeyskt ferðasöngvaskáld, eða Danskur róni, eða Svissneskur auðjöfur, eða Spánskur vinberjakremjari, eða Franskur bakari.

 

Amen og gleðilega páska..........

 

Stelpur stripplast og strákar syngja, söngleikurinn á Broadway í boði sítt að aftan kynslóðinni......

Í fjörutíu og fjögurramanna hópi var bara skelfilega gaman á Broadway. Ágætis sýning og jólahlaðborð á undan, sem ég að vísu skrópaði í. Undarlegt með mig að fara ekkert nema í stórum hópum. Er samt staðráðinn í að fara einhverntíma síðar, í smærri hópum.

Eftir þessa ágætis ferð í borgina þar sem ég gisti á Park-Inn hótelinu, ruddist yfir mig mikill svefndrungi sem varaði í allan gærdag og mestan daginn í dag. Held ég hafi smitast af dálítilli fyrirjólatíðaspennu eða kvíða sömu sortar, þarna hinumegin við flóann. Sá ekkert morð, nauðgun eða pissandi fólk, sem betur fer.

 

Sjúkkitt..........

Perlan - Bændahöllin - Helga Möller - Snobbhelgin afstaðin - Óvíst um framhald.......................

 

 

 

 

 

 

Þessi dýr voru öll étin í Perlunni á laugardagskvöldið, frábærlega vel matreidd. Eftir átið og hóflega drukkið vín var haldið í Bændahöllina til gistingar. Á Mímisbar var enginn nema maður og kona sem sátu í stól (sitt hvorum) og þegar betur var að gáð voru það Hilmar hljómborðsleikari og Helga Möller söngkona. Við fengum okkur drykk á barnum og eftir skamma stund reis Helga á fætur gekk að hljóðnema og hóf að syngja af sinni alkunnu snilld, við undirleik Hilmars. Þau sungu fyrir okkur og nokkra aðra sem slæddist inn, í klukkutíma eða svo.

Frábær endir á góðu kvöldi, takk Helga og Hilmar.

Gæti sosum alveg vanið mig á þetta.

Hver vill koma með næst?

See you.......................

Alveg makalaus helgi - Mannrán um miðjan dag.................

Mér hefur verið rænt. Það eru sex systkini mín ásamt mökum þeirra, sem ákváðu fyrir allnokkru að taka mig ófrjálsri hendi og færa mig nauðugan héðan af Skaganum, í borg óttans. Þar á að éta brjálaða villidýrabráð í Perlunni klukkan 19:00 sharp í kvöld, kjafta saman drekka drykk og annan og ég veit ekki hvað. Eftir þetta villidýraát er ekkert ákveðið, en nóttinni verður eytt í Bændahöllinni, að sjálfsögðu. Þess var farið á leit við mig að bjóða með mér einhverri yngismeynni, en vannst ekki tími til leitar, þannig að þetta verður alveg makalaust kvöld. En ég efast ekki um að það er örgla einhver fríðleiksfrúin til í svona æfintýri með svona myndarlegum manni sem á rauðan jeppa og alles..hmmmm, not?

Góða helgi elskurnar og étið nú ekki yfir ykkur.........

Át svona kvikindi í kvöldmatinn.....................

og held ég geri það ekki aftur. Þetta heitir Kvóti, held ég og mér er hálf flökurt.

Kastljósið varpaði engu ljósi á lygarnar í Borg dauðans. Held að Svandís eigi eftir að sjá eftir upphlaupi sínu þó seinna verði, því miður.

 

 

Auglýsi eftir fréttamönnum sem geta skrifað um eitthvað annað en Orkuveituklúðrið. 

Neibb hef ekkert annað að gera nema lesa leiðindablogg, annars fann ég eitt sem er athyglisvert. Sparisjóður grínista og nágrennis er að stofna stjórnmálaflokkinn Bloggflokkurinn.

See jú............