Óvænt brúðkaup - Fimmtugsafmæli - Og smá væmniskast.......

Vinkona góð og prúð sendi þau skilaboð til okkar bæjarbúa nú um helgina að þetta bæjarfélag sem annars er mjög friðsælt og gott, að mætti alveg hrista aðeins upp í því. Það gerði hún með því að gifta sig með dags fyrirvara. Þann 08.08.08 gerðist það, og ég veit ekki en vona samt að Gunni hafi verið með. Annars eins og ég þekki þessa ágætu hefðarkonu gæti hún svo sum hafa gleymt honum í Bílanaust eða í Nínu. Annars bara til hamingju dúllurnar mínar.

Fimm tuga öldrunar afmælishátíð verður svo haldin í Himnaríki á morgun kl 16:00 sharp. Mér var boðið auddað, en varð því miður að afþakka vegna anna. Annars hefði nú verið gaman að vera fluga á vegg þarna, með myndvél.

Gurrí Himnaríkisfrú mætti svo óvænt tvær mínútur fyrir lokun á vinnustað minn, með lífvörð sér við hlið, bauð góðan daginn (ískalt) og sagði: "Hreinsa kápuna og buxurnar, liggur ekkert á þeim en jakkann skal hafa tilbúinn um hádegið á morgun"

Mér rann kalt öl milli skinns og hörunds þegar ég sá svipinn á lífverðinum og sagði bara "ekkert mál frú mín góð."

*Gúlp, maður verður að standa sig í þjónustunni. Vill ekki lenda í þeim á DV........

Innilega til hamingju með daginn Gurrí mín.

 

Og smá væmniskrull fyrir okkur feðgin..........

Let´s agree to dsiagree.........

 

 

 

 

 

Done?       Cancel?       Ignore?

Það er svo margt sem hægt er að gera um yfirvofandi helgi.

Bærinn minn er mest að líkjast ímynduðu yfirgefnu þorpi í mið ríkjum BNA frá 18. öld. Lognmolla og hitasvækja hangir yfir bænum og varla sést lifandi vera á ferð, fyrir utan köttinn sem var að flytja í næstahús við vinnuhúsið mitt, ásamt fjölskyldu. Örlítill kvíði gerir vart við sig og maður snýr sér við annað slagið til að athuga hvort einhver sé kannski að læðast aftan að manni.

Er jafnvel að hugsa um að slökkva á þvottavélum og þurkurum til þess að taka þátt í þögninni.

Í morgun gerði ég mér grein fyrir því að stórfjölskyldan væri í þann mund að spýtast frá heimkynnum sýnum vítt og breitt um landið, og gerði þess vegna í kjölfarið formlega símakönnun á því hvar einstakir meðlimir hennar mundu dvelja þessa hræðilegu helgi. Niðurstaðan var sú að ég get nokkuð vel við unað og held ég þurfi ekki að hafa miklar áhyggjur.

Systur mínar í Vestmannaeyjum, allt í gúddí, heimavanar.

Bræður tveir, annar fór á Akureyri með familíuna, smá stress vegna þess.

Hinn í Ófeigsfjörð, jebb nokkuð heillandi.

Náði ekki í stóra strákinn minn.

Stóra stelpan mín á Akureyri heima hjá sér, allt í gúddí.

Vó er ég að gleyma einhverjum?

Minn sjálfur, ekki ákveðið en freistandi að bruna á Strandirnar ef þokufjandinn verður ekki helgargestur þar, eða bara á fjöll.

Við gerum grín að þeim........

en samt getum við ekki án þeirra verið.

Karlmenn tökum okkur saman í fésinu og hættum því. Gerum frekar grín að ljóskum, eða eru þær kannski konur líka?

(Fámiðlunarefni)

Ekkert svo mikið annað að fást við núna, en hef smá fiðring í fjöðrunum eftir að vinkona mín, sem ég sköttlaði á Fimmvörðuháls um síðustu helgi, kom og færði mér rauðvínsflösku og dýrindis ostakörfu. Og ætlaði síðan að líta við á Ölstofu einhverri í borg óttans.

Dýrindis vinur.......

205 leikskólakrakkar settu hátíðina Írskir Dagar á Akranesi í gær.....

og byrjuðu á því að reyna að kenna Gísla bæjó að syngja. Það gekk bara ágætlega, því kallinn er vel liðtækur í söng og hefur gert þó nokkuð af því að syngja og spila á nikku í hinum ýmsu uppákomum.

Eftir söng á torgi hins himneska friðar Akratorgi, gengu börnin í halarófu fram hjá vinnustað hans, og í óviðráðanlegu "krúttkasti" hendist hann út á gangstétt og gragar "hæ". Blandaður barnakór öskrar á móti "hæææææ" þótt hæið hafi bara verið ætlað einu barni. Hann hleypur að barni einu og fóstran sem leiðir það brosir hringinn og heldur að hann ætli að faðma sig, en verður fyrir miklum vonbrigðum (held ég ) þegar hann stekkur á barnið, faðmar og kyssir bara það en ekki hana.

Annars verður aðal stuðið og fjandans lætin í kvöld á hinu margrómaða Lopapeysuballi í Sementsgeymslunni.

Það er búið að tjalda partýtjaldinu í næsta húsi og fljótlega verður farið að bera þar út þúsund vatta hljómflutningstækin sem munu halda okkur við efnið fram eftir kvöldi. Það vill samt þannig til að mitt hús snýr þannig við hinu húsinu að lítil hætta stafar af flösku, og grjótkasti í mína glugga.

Æi pínu ýkt. Fannst bara gaman að sjá hversu allir hér skemmtu sér vel í gærkvöldi í þessari líka endemis blíðu.

Er bara góður, og engin truflun af unglingum yfir 23ja hér á efri Skaga.

Mynd stolin, breytt og stílfærð. Skessuhorn á ´ana.......

Erilsöm nótt á írskum dögum

Um hádegið síðastliðinn sunnudag fékk maður.........

mjólk og köku. Svo var eitthvað í Fréttablaðinu sem þurfti að nánari athugunar við. Og þá er gott að geta brugðið á sig gleraugum gamla mannsins, sem eru að vísu apoteksgleraugu, en kallinn sér furðu vel enn þá.

 

Eftir það var gengið á smábátabryggjuna og kíkt ofan í.

"Sérðu Krabbana pabbi?

"Þetta eru ekki Krabbar, þetta er þari"

"Víst, ég þekki Krabba, vertu rólegur pabbi"

Þetta að "vera rólegur" er hátískan í dag, hjá barninu.

Verum bara róleg þar sem við förum, hvort sem það er í umferðinni, á blogginu, á tjaldstæðunum (yfir 23ja) eða bara heima.

Þessi færsla flokkast sem rangsælis url............

Þá sjaldan að föður sé hafnað af dóttur sinni.........

gerist það samt.

Eins og allir vita má alls ekki bora í nefið og hvað þá borða það, það er alveg á hreinu. En þegar pabbinn settist við hlið hennar í sófann og ætlaði að njóta Stundarinnar Okkar sagði hún:

 

 

"Pabbi farðu"

"Hvert?"

"Í tölvuna"

"Af hverju, ætlarðu nokkuð að bora í nefið?"

"Já, en ég ætla ekki að borða það" og hreinskilnin skein úr andlitinu.

Náðum samkomulagi um slíkt athæfi sæmdi ekki prinsessum, og snérum okkur að Stundinni.

Annars erum við bara góð............

kl:21:50 pé ess. Þú ert viðskiptavinur minn númer áttatíuþúsund og einn....má bjóða þér köku?

Sumarið er komið - Hunangsfuglar - Hársnyrting.........

til mótvægis við allan gauraganginn í "stóru mönnunum" hér á Skaga vorum, þarf ekki nema nokkur augnablik með litlu Eydísinni sinni, til þess að ná mjúkri lendingu og jarðtengingu hugans.

Í gærkvöldi sofnaði hún við hlið pabba síns. Pabbinn strauk litlu höndina um leið og hann ætlaði að laumast fram úr. En þá hrökk hún upp með andfælum og pínu skræk....

"pabbi það er randafluga á hendinni á mér "

Pabbinn, "nei ástin mín, pabbi var bara að strjúka höndina þína"

Hún " Ó....okey pabbi minn....

Eftir dálítinn fyrirlestur um Randaflugur, hversu stórar, og..... "óggislegar og, og, og ekki pota í þær þá, þá stinga og, og bíta mig"....sigu augnlokin og nýr draumur tók við.

Fyrr um daginn, ný komin úr sumarklippingunni þar sem fuku 10 cm af dýrmætu hári, sem pabbinn sá alveg hrikalega eftir, spyr hann:

"Hver klippti þig"?

"Elva, og ég gleymdi hárinu mínu, það er heima hjá Elvu. En það er altílagi"...

Það skal áréttað hér að stúlkan var klippt á fínni hárgreiðslustofu, en ekki í heimahúsi.........

Þessi stóri strákur sem fæddist í Vestmannaeyjum ................

 

 

 

 

 

á sumardaginn fyrsta og gerði pabba sinn hrikalega stoltan þann daginn, eins og alla aðra daga síðan, varð 25 ára í gær.

 

 

 

  

 

 

 

 

Þarna er hann Ragnar Þór í sinni uppáhalds múnderingu 24 ára

 

Til hamingju flotti strákur.

 

Vor í lofti? - Myndablogg.......

Það var einhliða ákvörðun hennar að nú væri kominn tími til að færa sumarhúsgögn út á svalir.

Eftir mikið japl jamm og fuður tókst að fá hana í kápuna utan yfir náttfötin

Pabbinn: "Má ég taka mynd af þér"?

Hún: "Jebb, en vertu rólegur pabbi minn"

 

 

 

 

 

 

 

 

Eftir fyrstu mynd stóð hún upp og færði sig nær myndavélinni, stillti sér upp og sagði með skipunartón:

 "Líka svona!"