Borg óttans heimsótt um nótt - Blaðamaður tjáir sig um bloggið........

Skrapp í borgina í gærkvöldi og rölti í "bæinn" með lífvörð mér við hlið. Aldrei of varlega farið. Miðbærinn var bara troðinn af fólki í góða veðrinu. Er þetta svona allar helgar? Kommon þetta var bara föstudagskvöld.

Hitti blaðamann inni á ölsölufjósi einhverju og sá var ekki par ánægður með okkur bloggara. Sagði bloggið ganga mest út á að rífa niður fólk og níðast á blaðamönnum. Ég fékk mig ekki til að vera honum sammála og espaðist þá kallin um nokkur stig á Richter og sagði: "Hvað munduð þið bloggarar blogga um ef engin væri blaðamaðurinn?"

Sumsé, ef allir blaða og fréttamenn létu af störfum.

Ég er enn að hugsa svarið.

 

Elska Reykjavík úr öruggri fjarlægð............

Athugasemdir

[Lára Hanna Einarsdóttir, 26.7.2008 kl. 20:30]

Já, þetta er svona um allar helgar - en ekki kannast ég við að það sé bara bloggað um blaðamenn!   

[Jenný Anna Baldursdóttir, 26.7.2008 kl. 21:06]

Er bloggað um blaðamenn?  Ég man ekki eftir neinu sérstöku.

[Steinunn Helga Sigurðardóttir, 26.7.2008 kl. 22:09]

kannast heldur ekkert við það, sennilega eru þeir hræddir um að vera atvinnulausir, bloggarar taka yfir, heimsyfirráð

Kærleikur til þín og góða helgi

steina

[Villi Asgeirsson, 1.8.2008 kl. 13:07]

Við yrðum fréttaveitan. Hú níds blaðamenn þegar nóg er af blogginu?

Annars hef ég aldrei bloggað um blaðamann, minnir mig. Þeir hafa þó verið að fylgjast með mér því ég var kominn í blöðin um daginn án þess að hafa hugmynd um. Orðalagið í fréttinni var grunsamlega líkt bloggærslu sem ég hafði skrifað.