Starfsstúlka óskast - Tímabundin ráðning.

Þarf að hafa óbilandi áhuga á draumráðningum og vera vön kristalkúlum. Hér er um að ræða frábært tækifæri fyrir viðkomandi aðila á að öðlast frægð og frama í greininni.

Þyrlupróf æskilegt en ekki nauðsyn.

Má hafa með sér börn.

Laun samkv. kjarasamningi Bakarasveinafélags Íslands.

 

 

Starfsstaður: Athugasemdarkerfi við þessa færslu.

Starfslýsing: Ráðning á eftirfarandi draumi.

"Mann nokkurn dreymir sig vera boðinn í kaffi til vinkonu sinnar úr grárri forneskju. Hún býður honum upp á kaffi og kex úr hvítri krukku með bláum upphleyptum stjörnum. Konan er einstaklega mikið ófrísk."

Ath: Hér er ekki um fastráðningu að ræða og öllum umsóknum mun svarað fullum hálsi.....

Athugasemdir

[Lára Hanna Einarsdóttir, 15.7.2008 kl. 15:24]

Og launakjörin? Hvernig hljómar starfslokasamningurinn? 

[Þröstur Unnar, 15.7.2008 kl. 15:26]

Útsýnistúr í Kerið á rauðum jeppa, Lára Hanna.

[Jenný Anna Baldursdóttir, 15.7.2008 kl. 15:30]

Ég vil fá nákvæmar upplýsingar um starfslokasamning, bílategund og sonna.

[Sæmundur Bjarnason, 15.7.2008 kl. 15:43]

Þetta er bara kynbundinn fasismi og ekkert annað. Hvar er feministafélagið? Það á að taka hart á svonalöguðu. Starfsstúllka hvað?

[Ía Jóhannsdóttir, 15.7.2008 kl. 16:28]

Væri alveg til í að sækja um starfið, skítt með einhvern starfslokasamning, en því miður er ég í fullu starfi og sé ekki fram á að geta hætt í náinni framtíð. 

[Þröstur Unnar, 15.7.2008 kl. 18:57]

Jenný. Isuzu Trooper árgerð 1999.

Sæmi minn. Starfsstúlka er stúlka sem sinnir starfi sínu, eins og "starfsmaður" er maður sem sinnir starfi sínu. Hvað er feministafélag?

Sko það vantar ráðningu á draumnum enn þá.

[Marta B Helgadóttir, 15.7.2008 kl. 20:00]

Kann ekki að ráða drauma

[Ólöf Anna , 15.7.2008 kl. 23:13]

www.draumur.is

[Guðrún Jóna Gunnarsdóttir, 16.7.2008 kl. 00:04]

Er ekki talið gott að dreyma bláa litinn? Held að hann tákni velgengni og hamingju. Þú fyllist kannski trúalegri sælu?

Væntanlega táknar ófríska konan upphaf af einhverju nýju, kannski ertu búinn að hitta eina sem uppfyllir alla drauma þína og ræður þá í leiðinni? Þyrftir etv. að endurskoða kjarasamninginn og bjóða upp á fríðindi sem ekki endilega teljast til fjár.

Í öllu falli glymrandi góður draumur og trúlega tákn um nýja og breytta tíma! 

[Sverrir Einarsson, 16.7.2008 kl. 01:21]

Ég vil fyrst fá starfsbyrjunarsamning (feitann) áður en farið er út í samningsatriði ( eins og þessi dúddi sem fékk 300 millurnar fyrir að þiggja starfann) bara svo þú vitir það. Hvað starfið varðar get ég alveg unnið eins og hver önnur kelling ef því er að skifta (fer auðvitað eftir launum) svo hef ég líka lögvarinn rétt til að taka upp ættarnafnið Klingenberg.

Svar óskast sent um hæl (má vera tjaldhæll).

ps. Hvað er að vera "einstaklega mikið ófrísk"

annað hvort eru konur ófrískar eða ekki..........það hélt ég alla vega.

kveðja frá einbúanum í tjöruborg

[Lára Hanna Einarsdóttir, 17.7.2008 kl. 11:25]

Ertu búinn að ráða? Hefur maður ennþá séns? 

[Þröstur Unnar, 17.7.2008 kl. 12:28]

Lára. Umsóknarfrestur er liðinn. Sýnist að Guðrún Jóna hafi leyst gátuna.

Sverrir. Konur eru gífurlega mis mikið ófrískar þegar sá gállinn er á þeim.

[Lára Hanna Einarsdóttir, 17.7.2008 kl. 14:53]

Hrmpf! Ef það hefði komið nægilega skýrt fram að ein vesæl draumráðning réði úrslitum væri ég löngu búin að ljúga einhverju að þér um drauminn.

En ertu semsagt fullur af trúarlegri sælu, orðinn skotinn í draumakomnunni og farinn að bjóða upp á fríðindi í blíðu?