Guðríður Haraldsdóttir með útvarpsþátt á Útvarpi Akranes - Óli Palli með sinn 600. Rokklandsþátt á morgun.......

Blaðakonan og bloggvinur minn Gurrí var með bráðskemmtilegan þátt í jólaútvarpi okkar Skagamanna áðan, þar sem hún kenndi okkur að lesa ýmislegt út úr kaffidrykkju og hafragrautsáti, pínu bókarýni, tónlist og spjalli við Óla Palla. Konan sú sem rétt náði í þáttinn eftir að hafa sigrað Hafnfirðinga í Útsvari í gærkvöldi, (með smá aðstoð Sigrúnar og Bjarna.) Svo á hún örugglega eftir að lesa eins og þrjár bækur fyrir kvöldið, jahérna mikið að gera hjá frægafólkinu.

Verð alveg að viðurkenna löngun mína í að rjúka heim úr vinnunni og sækja myndavélina, bruna í Skrúðgarðinn, ná mynd af þeim saman. Held ég sé að smitast af blaðamannsveiki......

Óli kallinn er svo að dúndra sínum 600. Rokklandsþætti í loftið á morgun. Þættir sem ég hef reynt að missa ekki af í gegn um árin.

Til hamingju þið bæði tvö.

Mynd af Gurrí stolin af bloggsíðu hennar.

Mynd af Óla tók ég sjálfur á þorrablóti í flugskýli.

So far so sweet...........

Athugasemdir

[Guðríður Haraldsdóttir, 1.12.2007 kl. 13:43]

Dúllan mín, takkkk, þú hefðir átt að koma. Þetta var samt svo stuttur þáttur, ég náði ekki að klára allt, bara hviss, bang, búið! Mikið stress á undan, finna einhverjar plötur á korteri og drífa sig í Skrúðgarðinn, eiginlega beint frá Kópavogi þar sem ég var veðurteppt í nótt. Eins og hefur komið fram, heheheh

[Guðrún Jónsdóttir, 2.12.2007 kl. 15:57]

Ertu ekki að grínast?!?!

Finnur maður ekki stóra bróður sinn á netinu! Og sá aldeilis búinn að blogga - enginn byrjandi eins og ég - ekkert smá flott. 

Hey, takk fyrir sameiginlega þátttöku í útrýmingu misvilltra dýra fyrir mánuði síðan!  Þetta var ógó gott og gaman.

Kasta meiri kveðju síðar

Litla systir....

[Þröstur Unnar, 2.12.2007 kl. 17:46]

Hæ litla systir, gaman að sjá þig hér.

Skilaðu kveðju í Eyjarnar.