o

19.5.2009 | 14:59

"Stefnuræða foræstisráðherra".............

er ein leiðinlegasta og marklausasta setning sem ég hef þurft að búa við allt mitt líf, og býst ekki við því að það breytist neitt, héðan í af. Ekki það að ég sé að deyja alveg strax, heldur býst ég við framhaldi á stefnuræðum um ókomin ár.

Þegar ég byrjaði að aka á fjöll fyrir allmörgum árum, þá átti ég ekki GPS tæki og taldi mig ekki þurfa slíkt apparat því ég vissi sko alveg hvert ég væri að fara og hvaðan ég kom. En auðvitað lærði maður af reynslunni og varð að fá sér tækið svo maður stefndi ekki sjálfum sér og öðrum í voða.

Svo lærði ég líka að það er ekki nóg að vera með GPS tækið í bílnum. Það þarf að vera kveikt á því og tækið þarf að ná sambandi við gervitungl.

Ok nóg um það. Þið fattið þetta, er það ekki? Woundering

Heyrðu, svo fékk ég tvær gellur í heimsókn í morgun. Báðar afskaplega föngulegar hvor á sinn hátt. Sú sem kom á undan skellti sér beint í könnunarleiðangur um vinnustaðinn leitandi að einhverju. Feit, svarthærð með gular fallegar rendur um sig miðja.

Hin var töluvert stærri og ekki jafn feit og sú fyrri heldur há og grönn. Ljóshærð í stuttpilsi og svörtum sokkabuxum. Hún hafði berar axlir og handleggi sem báru roðamerki sólargeisla vorsins. (Arrggg... hvað ég er rómó.) Blush

Hún vissi alveg hvað hún vildi og arkaði beint að kaffivélinni og fékk sér og mér Café Noir. Við sátu og kjöftuðum um landsins gagn og nauðsynjar í klukku tíma, þó helvítis þvottavélarnar hafi gargað á mig síðasta korterið.

Sú ljóshærða er nú farin en svarthærða skassið situr móð og másandi í glugganum og horfir vonaraugum á eplatréð fyrir utan. Hana ætla ég að taka með mér heim á eftir, frysta hana og afþíða svo þegar ég hef tíma til að taka af henni nærmyndir.

Akið á guðs vegum og notið GPS...............................................

Flokkur: Vinir og fjölskylda | Breytt s.d. kl. 15:05 | Facebook