Þegar þessi litla stúlka................

kom til pabba síns núna einn daginn í kreppunni miklu, mátti hann alls ekki klæða hana úr skónum.

"Bíddu, bíddu pabbi, ekki strax!"

Mamman kvaddi og útidyrahurðin lokaðist.

"Nei, ég ætla!" sagði hún og reif sig úr skónum.

Í öðrum skónum voru tveir hundraðkrónu peningar og í hinum einn fimmtíukrónu.

 

"Þú átt að kaupa "svona" bleika tölvu með Barbíleik" sagði hún og rétti fram peningana ákveðin á svip.

Hjartað í kallinum leystist upp í frumeindir.

Hann óttast að það gætu liðið mörg ár áður en bruðlað verður með svona aukakrónur til tölvukaupa ef fer fram sem horfir í pólitíkinni.

Þessi fjárdráttur verður ekki rannsakaður nánar, hvorki af VG, Samfó, Seðlabanka né sýslumanni vorum, fyrrverandi.

Jess sör. Þannig er nú það................................

Athugasemdir

[Ásdís Sigurðardóttir, 27.1.2009 kl. 20:59]

Daman þín er náttl. bara draumastelpa.  Þú ert sko heppinn að eiga hana í kreppunni, verður aldrei kreppa á þannig vel skipuðu heimili.

[Hrönn Sigurðardóttir, 27.1.2009 kl. 21:09]

ha?

[Þröstur Unnar, 27.1.2009 kl. 21:11]

Já Hrönn. þannig er nú það.

[, 27.1.2009 kl. 21:34]

Hún kann að geyma peninga þessi unga kona. Efni í fjármálaráðherra

[Ía Jóhannsdóttir, 28.1.2009 kl. 09:30]