Slagsmálahundar í fangelsi og ný háglansandi stígvél.................

er eitt af því sem stendur upp úr eftir helgina.

Faðir hennar var í rólegheitum að horfa á Silfur Egils Mikla með öðru en fylgdist með stelpunni sinni með hinu. Hún hafði verið óvenju lengi inni í herberginu sínu og það sem meira var, dyrnar voru lokaðar sem er afar sjaldgæft, nema þegar kallinn ryksugar, en þá rýkur hún inn í herbergið og skellir hurð.

Annað slagið heyrðust ávítur af ýmsum toga: " Verið þið stillt, hættið þessum fíflalátum, Sigga þegiðu á meðan ég tala við þig"

 

Veit ekki hvar barnið lærir að tjá sig á þennan máta, en það er annað mál.

Hún sviptir upp hurðinni, kemur fram með tvö loðkvikindi í fanginu þeytir þeim inn í "hjónaherbergi " lokar dyrum og segir hátt og skýrt: "Þið eruð í fangelsi og þið komið ekki fram fyrr en þið hættið að slást"

Barnið er ný orðið fjögurra ára.

Eydís Lára Þrastardóttir var með svarta húfu, í splunkunýjum háglansandi stígvélum og þurfti sjálf að sjá til þess að allir færu að lögum hér innanhúss, á þessum hundblauta sunnudegi.

 

Engin önnur vitni voru að ólátunum, en við skulum trúa og treysta lögreglunni.

Athugasemdir

[Jenný Anna Baldursdóttir, 2.11.2008 kl. 21:42]

Hún er æðislega flott í löggubúning.

Spurning hvar þetta endar.  Í rannsóknardeild.

Hm...

[Lára Hanna Einarsdóttir, 2.11.2008 kl. 21:47]

Þið eruð yndisleg, feðginin! 

[Hrönn Sigurðardóttir, 2.11.2008 kl. 23:04]

Ja... sko hún er allavega krútt! Ég segi það enn og aftur; hún hlýtur að vera lík mömmu sinni......

[Ía Jóhannsdóttir, 3.11.2008 kl. 09:21]

Vá hvað mín er orðin mikil pæja! 

[Sverrir Einarsson, 3.11.2008 kl. 10:55]

Þú hefur greynilega ekki nægjanlega stjórn á þessum óargardýrum á þínu heimili og nú veist þú hver ræður sko og ert búinn að sjá hverjar afleiðingarnar verða ef ÞÚ hlíðir ekki.

Rosa flott stelpa þarna á myndunum hvaðan fær barnið allann þennann fríðleika?

[Þröstur Unnar, 3.11.2008 kl. 15:24]

Kærar þakki næstum öll.

Hrönn og Sverrir. Ég læt sem ég heyri ekki í ykkur.