Ég þygg stundum rafræna fjárhagsráðgjöf takk fyrir og hér kemur ein.

Ef þið hefðuð lagt 100.000 krónur í að kaupa hlutabréf Nortel fyrir einu ári síðan væri verðmæti bréfanna í dag um 4.900 krónur.

Hefði sama fjárfesting verið lögð í Enron væri sú eign í dag um 1.650 krónur.

Hefðuð þið keypt bréf í World Com fyrir 100.000 krónur væri minna en 500 kall eftir. 

Hefðuð þið keypt í Landsbankanum, Glitni eða Kaupþing væru 0 kr. eftir

Hefði peningurinn hins vegar verið notaður til að kaupa Thule-bjór fyrir einu ári síðan þá hefði verið hægt að drekka hann allan og fara síðan með dósirnar í endurvinnslu og hafa um 21.400 krónur upp úr því.

Þegar ofangreint er athugað virðist vera vænlegur kostur fyrir fjárfesta að drekka stíft og endurvinna...........

Athugasemdir

[Sverrir Einarsson, 24.10.2008 kl. 14:00]

Ég stekk út í búð og kaupi bjór fyrir 100 þús. En ég ættla að vera sniðurgur eins og útrásarvíkingarnir, fæ lán, finn svo einhvern til að drekka bjórinn, því mér finnst bjór vondur en sá sem drekkur fær ekki að drekka nema með skilyrðum, hann verður að skila dósinni til mín þegar hann er búinn úr henni, síðan þegar allur bjórinn er búinn fer ég með allar dósirnar í endurvinnsluna og fæ þessar 21 þús. til baka, borga fyrstu afborgunina af láninu, og segist hafa fengið fyrstu afborgunina fría (ég lagði ekki  út krónu),losna við timburmennina, þeir sem drukku taka þá út, síðan þegar ég þarf að borga næstu afborgun, tja.........hvað er þá til ráða. Ég gerist gjaldþrota og þar sem ég á ekkert hverju hef ég þá tapað?

Get svo sagt montinn ég gerði góðverk ég drakk ekki sjálfur bjórinn (gjafmyldin uppmáluð ég). Ég "tapa" restinni af láninu, sá sem seldi bjórinn fékk sitt en lánadrottnar bara fyrstu afborgunina, hver tapar mest?

ég held svei mér þá að ég fari í hagfræðikúrs í háskóla, er þetta ekki góð byrjun (hugmyndafræðilega). Einhver ástæða er fyrir því að ég á ekki bót fyrir boruna á mér sem mér sjálfum kemur á óvart eftir þessar pælingar.

Farinn út að sópa af bílnum mínum, ef ég finn hann, hann er hvítur á litinn eins og snjórinn sem er úti.

Munið svo áfram ÍR, þeir ( Mfl. karla) taka (vel) á móti Þrótti í Austurberginu í kvöld, síðan er bara út í smók og inn aftur og horfa á Mfl. kvenna í ÍR......allt sætar stelpur, þær eru að spila við Víking 2.

Er annars nokkur von til að þú lesir þetta fyrr en eftir helgi þar sem þú ert sennilega að jeppast með Guðmundi Péturs Stýrimanni á einhverjum jöklinum.