Afsakið mig augnablik.............

á meðan ég trufla ykkur hérna í miðju fjárhagsbókhaldinu, en þessi stelpa er fjögurra ára í dag og þarf að komast að, því hún er orðin stór að eigin sögn.

Pabbinn gerði hlé á vinnu í gær til þess að geta verið með skottinu sínu smá stund, áður en afmælið skall á með öllum sínum þunga kl: 17:00 að staðartíma.

 

Hann lofaði að koma heim til hennar í kvöldkaffi og þegar þau kvöddust fyrir krakkapartíið sagði hún:

"Þú verður vinur minn í kvöld, pabbi" ..........og eins og hendi væri veifað fylltust augu kallsins af einhverjum torkennilegum saltvökva.

Afmælisgjöfin getur hlegið, hjalað, drukkið úr pela, sofið og vaknað við hávaða "hágrenjandi"

Svo var farið með 4 lítra af ís með sér í leikskólann í morgun fyrir alla krakkana þar, því það á "alltaf að skiptast á og gefa meðsér" þó einhver hafi kannski einhvertíma kastað pínu sandi í augu vor, í hita leiks.

Hafið gott kvöld öll saman nú á þessum "ögurstundum".................

Athugasemdir

[Guðríður Hrefna Haraldsdóttir, 13.10.2008 kl. 18:43]

Yndisleg færsla. Til hamingju með stóra krúttið þitt!!!

[Ía Jóhannsdóttir, 13.10.2008 kl. 18:46]

Innilega til hamingju með prinsessuna þína. 

[Lára Hanna Einarsdóttir, 13.10.2008 kl. 18:47]

Til hamingju með gullmolann þinn! Hún ER orðin stór! 

[Hrönn Sigurðardóttir, 13.10.2008 kl. 20:18]

Krúttið orðin svona stór!! Til hamingju með daginn Eydís og til hamingju með fallega stelpu, Þröstur
 

[Guðrún Jóna Gunnarsdóttir, 13.10.2008 kl. 21:18]

Innilegar hamingjuóskir með litla gimsteininn þinn. Hvernig má annað vera en að fella saltvatnstár við einlægni sem þessa. Hún er ótrúleg, sú stutta. Þvílíkur gleðigjafi, henni er ætlað stórt hlutverk í framtíðinni

[Þröstur Unnar, 13.10.2008 kl. 22:14]

Hjartans þakkir fyrir okkur.

[Jenný Anna Baldursdóttir, 13.10.2008 kl. 22:55]

[Bullukolla, 13.10.2008 kl. 23:03]

Til hamingju með að vera góður pabbi

[Brynja skordal, 13.10.2008 kl. 23:57]

[Ólöf Anna , 15.10.2008 kl. 11:45]

Haha saltvökva, sannur karlmaður grætur og viðurkennir  það bara að hluta til.

En til hamingju með fegurðardísina alveg mín vegna mætti vera bara blogg um hana þau eru alltaf svo falleg.