o

18.8.2008 | 15:45

Kæri nágranni............

ef þú heyrir mávagarg og brothljóð, síðan langa þögn á eftir, viltu þá rölta yfir til mín með haglabyssuna? Því þá er það næsta víst að Mávarnir hafa yfirbugað mig og eru að gæða sér á kvöldmatnum mínum.

Ég á fastlega von á því að þeir geri innrás á heimilið mitt einhvern daginn. Í gær þegar við Eydís komum heim þá ver einn þeirra búinn að leggja í stæðið mitt og hreyfði sig ekki fyrr en ég ýtti við honum með 35 tommu framhjóli bílsins, en þá færði hann sig yfir á fatlaða stæðið.

Við fórum út úr bílnum og ég bað hana að reka fuglinn burt.

"Farðu heim til unganna þinna fugl" kallaði hún.

Fugl hreyfðist ekki, en horfði bara á hana rauðum augum, og mér var ekki sama. Færði mig nær ófreskjunni og þegar Eydís ítrekaði skipunina drattaðist fiðrið í loftið.

"Loksins fór hún til unganna sinna"

Var að hugsa af hverju dóttir mín fullyrti að þetta væri mamma sem ætti unga einhverstaðar.

Þessi færsla flokkast undir yfirgengilega fuglafrekju........................

Flokkur: Vinir og fjölskylda | Facebook

Athugasemdir

Hún hefur séð eitthvað í augunum á fuglfíflinu. Gangi þér vel að hrekja þá í burtu. sýnist að ég verði að taka það fram að þetta eiga að vera byssur ekki stólkollar.