Bílvelta í Landmannalaugum - Af gefnu tilefni..............

já myndin í Fréttablaðinu í dag er mín. Örbloggaði um þetta um daginn og birti mynd af Patrol á hvolfi. Í gær hafði svo fréttamaður samband við mig og fékk leyfi til að nota myndir frá "atburðinum".

Nokkur símtöl, flest vinaleg og nokkur e-mail, flest kurteis voru afgreidd í morgun, en sum voru ekki afgreidd sökum ókurteisi sendanda.

Blogga kannski seinna um þetta, nenni ekki núna...........

Athugasemdir

[Ásdís Sigurðardóttir, 6.5.2008 kl. 21:34]

Aha, komstu upp um piltana??  meiri veltan.

[Lára Hanna Einarsdóttir, 6.5.2008 kl. 23:33]

Af hverju er myndin ekki merkt þér í blaðinu? Ég hélt að svoleiðis væri alltaf gert.

[Guðrún Jóna Gunnarsdóttir, 7.5.2008 kl. 00:25]

Hrikaleg velta og hefði getað farið ver. Ekki mönnum til framdráttar að stinga af með þeim hætti sem þeir gerðu

Tek undir með Láru Hönnu, geta á höfundar undir myndum sem eru birtar í fjölmiðlum.  

[Þröstur Unnar, 7.5.2008 kl. 08:03]

LH. Ég bað um að myndin yrði ekki merkt mér, ætlaði að halda mér utan við umræðuna.

Guðrún. Það var ekkert "stungið af" þarna. Menn komu bílnum á hjólin og fóru í kojur. Morguninn eftir var skálanum læst og farið með bílinn í togi til byggða.

Ásdís. Ég kom ekki upp um neinn.

Sumt er hreinlega ekki rétt sem maður les í blöðunum.

[Lára Hanna Einarsdóttir, 8.5.2008 kl. 01:21]

Þú hefur væntanlega verið á staðnum fyrst þú tókst myndina (djöfull er ég nú glögg!)

Er þetta rétt lýsing á atburðum? Fyrsta fyrirsögnin sem ég sá snerti leiðsögumann þótt ekkert í meginmálinu hafi bent til þess að einn slíkur hafi átt hlut að máli. Þar sem ég er leiðsögumaður meðal annars er mér málið skylt og vil hafa hlutina á hreinu.

[Þröstur Unnar, 8.5.2008 kl. 08:53]

Lára, ég var ekki vitni af óhappinu þegar það gerðist, var inni í skála en fór út ásamt félögum mínum þegar fréttist af óhappinu.

Ég veit ekki hvort viðkomandi bílstjóri er leiðsögumaður né hvort hann var fullur.

Við félagar vorum ekki í þessum umrædda hópi.

[Lára Hanna Einarsdóttir, 8.5.2008 kl. 15:20]

Jæja, en ég vona altént að viðkomandi bílstjóri og farþegar hans, ef einhverjir voru, hafi ekki slasast mikið. Mér skilst reyndar á fréttum að svo hafi ekki verið og þegar upp er staðið skiptir það mestu máli.