Hef fengið ómældar kvartanir...........

yfir því að vera svona latur að blogga. Ok, en ef ég mæli þær þá eru þær bara ein. Svo hér kemur ein neyðarfærsla um ferðalag.

Ákveðið var kl: 10:00 á föstudagsmorgni að fara í Landmannalaugar kl: 12:00 á hádegi sama dag. Planið var að gista eina nótt og halda heim á laugardeginum. Nokkrum samlokum og Sólardjúsi hent í kassa, ökutækið fyllt af gullolíu 24.500 kr. total, og rokið af stað. Ekki skal orðlengja það nánar en hrepptum einstakt blíðviðri, logn og steikjandi sólarbræðslu. Engar festur, bara sprautað um fjöll og dali, og nóg af snjónum blessuðum. Vorum með par (túrhesta) frá Lúxemborg með, sem áttu ekki orð yfir fegurð Íslensku fjallanna, og töfðu okkur ótæpilega með sífelldu myndtöku stoppi. Hann (Lúxkallinn) er einhver svaka ljósmyndari og myndar fyrir ferðaþjónustur út í heimi, en hún (hinn helmingurinn af parinu) var með hlandið í buxunum yfir kallinum sínum, þegar hann gægðist fram af snjóhengjum, eða lagðist nánast undir bílinn hjá manni til að ná sem bestum myndum. Þau skildu hvorki upp né niður í því hvernig þessir bílar gátu ekið ofan á dúnmjúkum snjónum án þess að sökkva. En þegar við höfðum hleypt mest öllu lofti úr dekkjum og sprautað af stað, áttuðu þau sig á undrinu, bílarnir flutu ofan á snjónum.

 

 

 

 

Sko, veðrið var massað í rugl.

 

 

 

 

 

 

Lúxarinn að mynda vaðið við Tungná og frúin að passa hann.

 

 

 

 

 

 

Við Ljótapoll.

 

 

 

 

 

Þessi var á leiðinni á kamarinn um kvöldið og ákvað að leggja sig upp við hann, en eins og allir vita eru Patrolar hin mestu letidýr.

 

 

 

 

 

 

Hann var svolítið krumpaður greyið eftir ferðina á kamarinn.

 

Annars bara frábær ferð með skemmtilegu fólki, íslensku sem erlendu.

Athugasemdir

[Ía Jóhannsdóttir, 21.4.2008 kl. 20:30]

Hef ekkert kvartað bara saknað þín pínu.  Meiri háttar myndir!  Svona á landið okkar alltaf að vera, heiðskýrt og tært.  Takk fyrir þetta.

[Jenný Anna Baldursdóttir, 21.4.2008 kl. 22:12]

Ekki kvara ég, svo mikið er víst

Nananabúbú

[Ásdís Sigurðardóttir, 21.4.2008 kl. 22:16]

KVART; KVART; KVART, gott að þú skemmtir þér svona vel, við fyrirgefum þér þetta alveg, láttu bara vita næst. 

[Guðrún Jóna Gunnarsdóttir, 21.4.2008 kl. 22:30]

Þetta hefur verið frábær ferð og veðrið eftir því. Ekki laust við öfund hérna megin

[Hrönn Sigurðardóttir, 21.4.2008 kl. 23:18]

Kvarta aldrei!

Fyndin mynd af letipatrol. Ég gæti nefnilega sagt þér söguna af því þegar ég særði patroleigandann til ólífis En geri það ekki! Ég kann mig

[Þröstur Unnar, 22.4.2008 kl. 09:30]

Takk Ásdís mín fyrir kvartið.

Þið hinar, sko mér finnst bara að þið ættuð að kvarta, kvarta hér með yfir því að þið kvartið ekki, gormarnir ykkar.

[Lára Hanna Einarsdóttir, 22.4.2008 kl. 21:10]

Ferðu í túristaferðir?