Kvöldblogg eftir rok og rykdag

Ekkert sosum sérstakt bara að fikta á lyklaborðið til að færa síðustu færslu neðar. Nenni ekki að setja mig inn í málefni dagsins, hef bara ruglað svolítið í kommentakerfinu og örglega pirrað einhvern gáfubloggarann. Það eru nefnilega sumir hérna sem vilja að allir bloggi gáfu og málefnalega. Ég er nú bara alls ekki sammála því, finnst bara að það megi nota bloggið líka eins og maður talar við mann á götunni, og ef það hentar ekki einhverjum þá bara hann um það. Bolur bloggari, bloggaði Nano-blogg og bara fínt fyrir hann, en ekki aðra sem tuðuðu endalaust yfir því og sármóðguðust. Ekki eins og eigi að gefa allt þetta út á bók, eða hvað? Maður má vera reiður, glaður, sorgmæddur, hissa, móðgaður, forvitinn, gáfaður, heimskur....gleymdi ég einhverju?.. örugglega. Sumir hérna hafa bent mér á góðar leiðir til þess að skrifa og það er gott að eiga það í handraðanum ef manni hugnaðist hugarró eitthvað kvöldið. Já já og bara á því að fylgjast með sumum síðunum hérna lærir maður bæði hvernig á að setja upp skemmtilegan og góðan texta sem og útgáfu (publishing) bloggsíðu. Svo er að koma hugsunum sínum, í bland við fréttatengt efni á framfæri, gera sumir betur en aðrir. Neibb, er ekki að smjaðra neitt, nei nei.

Athugasemdir

[Jenný Anna Baldursdóttir, 15.8.2007 kl. 23:02]

Hehe, ég er mjög klár, það er rétt hjá þér.  Muhahahahaha.  Takk fyrir daginn bloggvinur.  Með kveðju á Skagann.

[Rebbý, 15.8.2007 kl. 23:47]

nei nei  ekkert að smjaðra
flottir bloggarar þó sem þú vísar í   hahaha

[Ásdís Sigurðardóttir, 16.8.2007 kl. 00:16]

Vertu þú sjálfur, skoðaðu heiminn gerðu allt sem þig langar að gera og láttu engan segja þér fyrir verkum.  Have a nice tomorrow.

[Jóna Á. Gísladóttir, 17.8.2007 kl. 00:31]

þú ert krútt Þröstur minn. Það er sko rétt hjá þér að hér má vera hvað sem er. Og það besta af öllu, heimskari en hænsni. Það er yndisleg tilfinning.

Ertu að fara í haustfrí?