Árið sem ég fór ekki á Þjóðhátíð

1986 var ég á ferðalagi um Evrópu, nánar á tjaldstæði við borgina Nice í Frakklandi, um það bil 100 metrum frá ströndinni. Það var 35 til 40 gráðu hiti og nauðsynlegt að kæla sig í sjónum annað slagið. Á rölti okkar um nágrennið rákumst við á lítið skilti sem á stóð " Queen qoncert tonight" og ör benti inn eftir malargötu. Við héldum auðvitað að þetta væri spaug, en fórum þó götuna þangað til við komum að risastórum rústum kastala og burtreiðarvallar, sem hlaðin stúkusæti umkringdu. Svæðið var afgirt og skúrar stóðu við stórt hlið inn á það. Þarna voru sem sagt seldir miðar á eina síðustu tónleika hljómsveitarinnar Queen. Við keyptum að sjálfsögðu miða og nutum frábærustu tónleika fyrr og síðar, um kvöldið.

Þetta var í júlí mánuði og nokkrum vikum síðar spiluðu þeir síðustu tónleika sína á Wembley Stadium leikvanginum.

 

http://www.youtube.com/watch?v=cxbFLYa0_bw

Athugasemdir

[Ásdís H (IP-tala skráð) 8.8.2007 kl. 00:20]

O! Hefði viljað vera þar.

[Doddi - Þorsteinn G. Jónsson (IP-tala skráð) 8.8.2007 kl. 00:36]

Eitt af svona skemmtilegum "happy accidents" ... svona eins og þegar vinur minn um daginn var á röltinu í Los Angeles einn daginn með félaga sínum, þeir nenntu fáu en ákváðu að kíkja um svæðið í kringum hótelið og sáu mannþröng fyrir framan bíó, sem leiddi svo í ljós að var ákveðin forsýning á myndinni Ocean's Thirteen og var félaginn einungis meter eða svo frá öllum helstu stjörnunum ...

Tek undir með Ásdísi samt ... hefði viljað vera á þessum hljómleikum, því það hefði verið frábært að upplifa tónleika með Queen. 

[Jóna Á. Gísladóttir, 8.8.2007 kl. 10:25]

OMG. Váááá! ótrúleg heppni. Ótrúleg tilviljun. Áttu myndir?

[Þröstur Unnar, 8.8.2007 kl. 10:31]

Já Jóna ég á myndir sem þarf að skanna. Set þær seinna.

[Ásdís Sigurðardóttir, 8.8.2007 kl. 12:32]

Rosalega varstu heppinn, þetta hlýtur að hafa verið algjört æði