Verslunarmenn í dags fríi............

Gerðist skyndilega banhungraður um áttaleytið og ákvað að rífa mig frá blogginu, (það var að verða svo klámfengið hvort sem var) og leita uppi opna verslunarmanna-búð í bænum. En viti menn allt lokað, nema bensínstöðvar, það eru hvort sem er ekki verslanir, eða hvað. En eftir smá leit fann ég verslun (bakvið húsið hjá mér) sem var galopin. En þegar ég kom þar inn datt mér í hug hryðjuverkaárás. Það litla sem eftir var í versluninni voru nokkur epli og marin vínber á gólfinu. Fór sneyptur heim og á bloggið, sem upplýsti mig um nýjan bloggvin sem af ásettu ráði birti á síðu sinni uppskrift að dýrindis lambakjötsrétti.Takk fyrir það Doddi minn.

Í matinn hjá mér var Coco Puffs og beyglur með rúsínum, eldaðar í AEG örbylgjuofni.

SúingVR

 

Athugasemdir

[Guðríður Hrefna Haraldsdóttir, 6.8.2007 kl. 22:43]

Æææææææ, og ég, nágrannakonan fór í þetta fína matarboð á Vesturgötuna. Verst með að þú þurftir að borða rúsínur, þær eru ekki mannamatur að mínu mati.

[Ásdís Sigurðardóttir, 7.8.2007 kl. 00:06]

Góð bloggin í dag hjá þér strákur, verst með kvöldmatinn áttirðu ekki einu sinni núðlur og ost?? maður á alltaf að eiga það. 

[Jóna Á. Gísladóttir, 7.8.2007 kl. 01:10]

hvaða hræðilegu krepnærbuxur eru þetta?

[Kristín M. Jóhannsdóttir, 7.8.2007 kl. 06:22]

Rúsínur eru góðar og alveg bráðnauðsynlegar í t.d. hrísgrjónagraut, brauðsúpu, jólaköku... og með hnetum. En bestar eru þær í Siríussúkkulaði.

[Þröstur Unnar, 7.8.2007 kl. 09:43]

Hvar ert þú alin upp eiginlega Kristín. Þekki engan sem er svona mikið sammála mér með rúsínurnar, eins og þú.

[Doddi - Þorsteinn G. Jónsson (IP-tala skráð) 7.8.2007 kl. 09:45]

Leiðinlegt að heyra með kvöldmatinn þinn. Hefðirðu verið á svæðinu hér, hefði verið svo einfalt að droppa við og fá í gogginn hjá mér. Pælum í því næst!

Áttirðu ekki örugglega mjólk út á Puffsið? 

[Þröstur Unnar, 7.8.2007 kl. 09:50]

Þrusu þakkir Doddi. Man það næst þegar ég verð svangur, einmana, kaldur og allar búðir lokaðar. Átti smá mjólkurdreitil.