Forræðishyggja stórabróður...................

eða einkagos vísindamanna og frétta-elítunnar.

Tilvísun í umræður um málið á netinu:

"Menn þurfa nú ekkert að vera mannvondir til að ofskipuleggja og vera með forræðishyggju eins og nú er í gangi. Menn halda að það sé best fyrir alla að stóribróðir ráði og allir hinir hlýði bara og telja því örugglega að þeir séu að gera rétt. Ég er ósammála því að þetta sé rétt, mannvonska eða ekki. Hér er verið að kalla úlfur, úlfur yfir litlu að mínu mati og misnota þetta vald sem mönnum er falið til að tryggja öryggi fólks.

Sjáið bara fréttaflutning t.d. á ruv, þar sem "Forvitnir ferðamenn" eru gerðir að einhverjum sem eru nánast að þvælast fyrir, þó þeir séu langt frá eldgosinu sjálfu. En "vísindamenn" og fréttamennirnir sjálfir sem ganga upp að gossprungunni eru gerðir að einhverskonar hetjum. Hvar er Íslendingurinn í fólki? Íslendingurinn sem þykir vænt um landið sitt og vill skoða og fylgjast með því sem þar er að gerast? Íslendingurinn sem vill fá að upplifa það sjálfur hvernig það er að vera í einstöku landi elds og íss? Íslendingurinn sem hefur búið við frelsi á þessu landi frá landnámi? Nei Íslendingurinn er "Forvitinn ferðamaður" sem skal vísa frá og hunskast heim. Eða vill Íslendingurinn kannski bara sitja í sófanum og glápa á landið sitt í sjónvarpinu ?

Ef einhver alvöru hætta er á ferðum þá vantar klárlega upplýsingar um slíkt til almennings. Ef alvöru hætta er á ferðum þá þarf að útskýra það og láta fólk vita og afmarka það svæði sem er raunverulegt hættusvæði en hafa annað opið. Ef þessi hætta er ekki á ferðum, þá á bara að opna og leyfa okkur að upplifa landið okkar, hvort sem er gangandi eða akandi."

höf. Ólafur Magnússon

Athugasemdir

[Hrönn Sigurðardóttir, 25.3.2010 kl. 16:15]

Ég er svo sammála! Enda ekki hægt að meina fólki að fara þarna upp. Það er að vísu búið að gefa út þá yfirlýsingu að fari fólk inn á svæðið þá geri það það á eigin ábyrgð - en það ættu nú flestir að vita hvort eð er.

Enda.... ef fólki hefði verið meinaður aðgangur þá hefði bara verið farið einhverjar aðrar leiðir - meðfram jöklum og ekki væri það betra.

[Sverrir Einarsson, 27.3.2010 kl. 10:54]

Sá einhverstaðar að Björgunarsveitaliðar hefðu viljað sitja einir að fyrstu myndunum, ljótt ef satt er. Ekkert að leyfa Pétri eða Páli (eða Þresti) að selja fjölmiðlum  flottar myndir. Tómt húmbúkk, væri farinn  að skoða ef ég lægji ekki heima með ælupest.