Þó við höfum ekki þekkst nema í tvær vikur...........

ákvað ég að taka hana með í rúmið í gærkvöldi. Hún ofan á og ég undir. Það fór vel á með okkur í fyrstu, en eftir c.a hálftíma fór ég að finna til verulegrar þreytu í handleggjunum. Hún var svo þung að ómögulegt var að nota þessa stellingu.

Gat ekki staðist freistinguna á að kíkja í kaflann um femínisma sem er næst síðasti kaflinn í bókinni. Þar var ótrúlega lítið, aðeins fimm stuttar málsgreinar.

Það litla sem fjallað var um málið var í aðalatriðum það, að femínismi er pólitísk hugmyndafræði. Allir eiga að vera jafnir og góðir við hvorn annan.

En merkilegt nokk, þessi hugmyndafræði á rætur sínar að rekja aftur til ársins 1642, og þá má kannski spyrja, af hverju erum við ekki komin lengra í þessu dæmi en raunin er?

Hef fullan hug á að kynna mér þessi fræði nánar.

Ég skellti félagsfræðinni á vigtina að gamni mínu í morgun, hún vó eitt þúsund grömm.

Fer einn í bælið í kvöld.........................

Athugasemdir

[Jenný Anna Baldursdóttir, 22.9.2008 kl. 15:36]

Já merkilegt Þröstur, gæti verið að það væri einhver staðar fyrirstaða?

[Hrönn Sigurðardóttir, 22.9.2008 kl. 15:55]

sjúkkett!! Hélt ég væri komin inn á einhverja dónasíðu!! Svo sá ég að þetta er maðurinn sem dansar ekki....... ;)

[Guðrún Jóna Gunnarsdóttir, 22.9.2008 kl. 17:18]

Vá ég hélt það sama og Hrönn að nú væri ég komin á einhverja vafasama síðu.

Njóttu vel

[Ía Jóhannsdóttir, 22.9.2008 kl. 17:47]

Hvað er að þessum konum alveg vissi ég að þú værir að tala um bók en félagsfræðina, nei mér datt nú sí svona í hug alfræðiorðabókin.

[Þröstur Unnar, 22.9.2008 kl. 17:58]

Komment 2 og 3: Þá veit maður hvaða síður þið heimsækið.......óvart.

........og of margar útgáfur af femínisma Jenný, held ég.

Ía, maður treystir félagsfræðinni betur en alfræðiorðabókinni.

[Hrönn Sigurðardóttir, 22.9.2008 kl. 18:30]

"there is a special place in hell for women who dont help other women"

"Good Girls Go to Heaven Bad Girls Go Everywhere" - söng einhver hér um árið....

[Guðríður Haraldsdóttir, 22.9.2008 kl. 22:10]

Góður!!!

[Lára Hanna Einarsdóttir, 22.9.2008 kl. 23:22]

Þungar bækur eru ekki mjög rúmvænar. Þess vegna bíð ég gjarnan eftir kiljuútgáfunni.