Hún miðaði á ennið á mér og öskraði: " Upp með hendur ".........

Jæja, hugsaði ég. Endar þetta þá svona? En af hverju? Hvað hef ég gert til að eiga þetta skilið? Ég gerði góðverk í fyrradag. Eða var það á sunnudaginn?

" Þetta er Ablativus temporismensurae qualitatis." sagði hún. (held ég)

" Er það hættulegt? "

" Nei " urraði hún hressilega, milli samanbitinna tannanna.

Hún var smávaxin, eiginlega svo lítil að hún stækkaði ekkert þegar hún skaust eldsnöggt upp úr stólnum, út í horn á herberginu, greip tækið og stóð fyrir framan mig miðandi á ennið á mér. Höfuð hennar var í beinni sjónlínu við mitt, og ég sat.

"Lokaðu augunum, ég ætla að frysta hann".

Ég lokaði augunum og baðst fyrir í hljóði. Hún tók í gikkinn og ég fraus.... meina bletturinn.

" Komdu svo eftir mánuð og þá skoða ég þig".

" Þetta eru áttaþúsund sjöhundruð og fimmtíu".

Núna er ég með rautt horn á enninu og fer ekki í Einarsbúð næstu dægrin, en er að þiðna upp.

Fyrir þá sem ekki hafa fylgst með sögunni, þá var þetta húðsjúkdómalæknirinn minn að greina rauðan blett á enni mínu.

Afsakið meðan ég læt mér líða illa..................

Athugasemdir

[Hrönn Sigurðardóttir, 10.9.2008 kl. 21:50]

æj - kallanginn..........

[Lára Hanna Einarsdóttir, 10.9.2008 kl. 22:51]

Áttaþúsundsjöhundruðogfimmtíu!    Eins og það sé ekki feykinóg var samþykkt á Alþingi í dag að einkavæða heilbrigðisþjónustuna ennþá meira. Púff, hvar endar þetta?

En gott að þetta var ekkert hættulegt. Vertu bara stoltur af útlitslegu frændseminni við hinn undurfagra einhyrning um sinn. Þú ert greinilega Hot Stuff!

[Jenný Anna Baldursdóttir, 10.9.2008 kl. 23:29]

Dullegur.

[Guðríður Haraldsdóttir, 11.9.2008 kl. 01:18]

Vá, hvað þetta var dýrt. Vá, hvað það var gott að þetta var ekki eitthvað alvarlegt ... ekki endilega í þessari röð.

[Ía Jóhannsdóttir, 11.9.2008 kl. 07:39]

Gott, ekkert sem sagt alvarlegt, mikill léttir ekki satt en verðið fyrir að láta frysta sig, gott að þetta var ekki ,,djúpfrysting", hvað ætli solleiðis kosti þarna uppi á Hamingjulandinu.

[Þröstur Unnar, 11.9.2008 kl. 11:23]

Vó,, ég er hræður. Takk fyrir samúð.

Hallgerður, jebb ég hef hitt skemmtilegt fólk hérna, sko fyrir utan mig.

[Brynja skordal, 11.9.2008 kl. 17:01]