Hafandi ferðast á mínum Stóra-Rauð.............

til borgar væringa, ójöfnuðar og ótta, um Hvalfjarðargöngin og Kjalarnesið í kviðum andskotans, er ég loks komin heim heill á húfi (oj ljótt orð,,húfi).

Ætlunin var að fylla bílinn af allskonar smávarningi og húsgögnum úr verslunum Ikea, Rúmfatalagers og Tekk´s Vöruhúss, mér og dóttur til yndisauka.

Eftir mikið ráp um allar þessar verslanir var eins og eitthvað hvíslaði að mér að nú væri komið nóg í bili, þar sem umhverfið var farið að snúast í hringi fyrir augum mínum. Hef það fyrir víst að þetta sé sjúkdómur sem kallast verslunarkjarnafælni.

Kaffi og vínarbrauð í IKEA Magasín og þar með farinn.

Þegar talið var upp úr ferðakistlunum komu í ljós, eitt loftljós með fiðrildum, upphækkunarkollur fyrir dóttur við vaskinn og sex manna kaffibollasett.

Ok allir sex í kaffi........

Athugasemdir

[Jóhanna Magnúsar- og Völudóttir , 6.3.2008 kl. 21:37]

Ég var dugleg í búðunum hér áður, en nenni engan veginn lengur! .. IKEA er martröð - Kringlan og Smáralind hryllingsmyndir... brrr..  (þetta er nú með því neikvæðara sem ég hef skrifað hehhe) ..

[Guðrún Jóna Gunnarsdóttir, 6.3.2008 kl. 23:29]

Flottur á því! Var þetta ekki einmitt það sem vantaði? Annað má örugglega missa sín

[Marta B Helgadóttir, 7.3.2008 kl. 00:44]

eitt ljós og bollasett ...og hvað kostaði svo bensínið alla þessa löngu leið

[Brynja skordal, 7.3.2008 kl. 09:45]

Sex í kaffi hljómar vel

[Þröstur Unnar, 7.3.2008 kl. 12:16]

Olían Marta,,þess virði að komast á rúntinn í Rvk og sjá hvað maður hefur það gott í sveitinni.

Ert að meina sexýkaffi Brynja?

[Jenný Anna Baldursdóttir, 7.3.2008 kl. 13:59]

Hahaha, þú ert ekki að standa þig karlinn. Alls ekki.  Svona lítið MÁ ekki versla í IKEA

[Brynja skordal, 7.3.2008 kl. 14:54]

já hefuru ekki prufað svoleiðis sex í kaffi eftir sex í Mat

[Guðríður Haraldsdóttir, 7.3.2008 kl. 19:39]

Ég þjáist líka af hrikalegum búðaleiða!!!

[Ásdís Sigurðardóttir, 8.3.2008 kl. 21:35]

Sexý í kaffi, til í það.  Vildi prinsessan ekki fjárfesta í einhverju fleiru, bleiku og sætu? sú er ekki kröfuhörð.  Kveðja á þig yndið og dýrið

[Rebbý, 9.3.2008 kl. 13:46]

Aldrei tekst mér að labba út með svona lítið í IKEA ... meira að segja þegar ætlunin er bara að skila einhverju sem "óvart" var keypt í síðustu ferð

[Steinunn Helga Sigurðardóttir, 9.3.2008 kl. 17:50]

já það er gott með svona stoppklossa !!! annars missir maður sjálfan sig stundum, ekki satt.

Blessi þig á sunnudagskvöldi !

steina

[Helga Magnúsdóttir, 11.3.2008 kl. 15:17]

Ég er með algjöra búðarklasafóbíu, fer aldrei í IKEA, aldrei í Rúmfatalagerinn og hef aldrei komið í Smáralind þótt ég búi á höfuðborgarsvæðinu. Maðurinn minn er sem betur fer mjög búðafús svo hann ræður hvað er keypt á heimilinu og hvað ekki.